Kryeshefi i Postë Telekomit të Kosovë(PTK), Agron Mustafa, sa paga mujore e tij ka shpenzuar vetëm për rrypin e pantollonave të markës së njohur “Hermes”.
Mustafa që është njëri nga menaxherët me pagën më të lartë në vend, të mërkurën në një aktivitet të kompanisë që ai e drejton, e ka ekspozuar mbi pantolona rrypin e markës së njohur “Hermes”, i cili njëherit është një nga prodhimet më të kërkuara luksoze të kësaj kompanie të njohur ndërkombëtare.
Në faqe të ndryshme të internetit shkruan se çmimi i këtij rrypi sillet prej 800 deri në 4500 dollarë amerikan, përderisa paga mujore e Mustafës e deklaruar në Agjencinë Kundër Korrupsionit është 4450 euro.
Një rrip të tillë të kompanisë “Hermes”, të cilin e ka blerë Mustafa, vazhdimisht e ekspozon edhe reperi i njohur kanadez Drake, pasuria e të cilit thuhet se e kalon shifrën prej 100 milionë dollarëve amerikan./ Zeri/
