Gareth Bale kryqëzohet nga tifozët madrilenë. Në një sondazh të publikuar nga e përditshmja “AS” për lojtarin më të dobët të transfertës së Gijonit, uellsiani ka marrë numrin më të madh të votave. Rreth 20 mijë njerëz kanë votuar në sondazh ku 39 % e tyre fajësojnë sulmuesin britanik. Sipas këtij sondazhi, Bale nuk duhet të luajë titullar në javën e dytë të Primera Division kundër Real Betis. Por nëse uellsiani rezulton lojtari më pak i pëlqyer, Marcelo siguron mbështetjen më të madhe me për kategorinë “Lojtari më i mirë i Realit”, i ndjekur nga Cristiano Ronaldo dhe Karim Benzema. Në këtë sonrazh bie gjithashtu në sy fakti që tifozët kërkojnë që Kroos dhe Modric të luajnë të dy titullarë, ndërsa janë në dyshim për dyshen Isco-James. Në krahun e djathtë, Carvajal fiton balotazhin me Danilon, ndërsa Ramos e Varane janë të paprekshëm në qendër. Sondazhi ka për qëllim të analizojë zgjedhjet e bëra nga Rafael Benitez në javën e parë të kampionatit ku Reali u ndal në një barazim pa gola në transfertën e Sporting Gijon. Ajo që shqetëson më shumë tifozët madrilenë është fakti se në takimet e fundit, ekipi “Los Blancos” ka hasur vështirësi në lojën sulmuese duke e gjetur me vështirësi rrugën e golit./ss/

Gazeta online “InfoSot” shpall konkurs për gazetar/e

Artikull i sponzorizuar