Adriano Galliani pranon Balotellin, por me kusht që të mos përdorë “Facebook”. Sulmuesi publikoi në profilin e tij në “Facebook” foton e firmës duke bërë të ditur se ajo ndaj Liverpoolit më shumë se sa një mirupafshim është një lamtumirë duke lënë të kuptohet se nuk dëshiron të kthehet më në “Anfield”, në të njëjtën kohë që në mediat italiane ishte duke bërë xhiron gjetja e Administratorit të Milanit, Adriano Galliani që për t’i paraprirë mundësisë që Balotelli të rrëshkasë sërish jashtë shinave ka vendosur t’i impnojë një kod sjelljeje ku vec të tjerash Balotellit i kërkohet që të bëjë jashtëzakonisht kujdes me përdorimin e rrjeteve sociale, “Facebook” e “Twitter” për të mos dëmtuar imazhin e klubit.
Bëhet fjalë për një sërë rregullash ku vec të tjerash Balotellit i është ndaluar të përhapë lajme që kanë të bëjnë me klubin, gjithashtu një kapitull mjaft i rëndësishëm i është kushtuar aspektit personal, pasi Balotelli duhet të bëjë kujdes që të mos përdorë modele flokësh shumë ekstravagantë, të ulë kreshtën dhe të vishet në një stil të pranueshëm për një futbollist të Milanit. Një temë e rëndësishme është dhe ajo në lidhje me shëndetin pasi Balotellit i është ndaluar të tymosë, të kalojë një përqindje të caktuar alkooli, si dhe të frekuentojë diskotekat dhe klubet e natës. Sa do t’i shërbejë kodi i ri i sjelljes Balotellit? Kjo mbetet për t’u parë.
