Marc Andre Ter Stegen është konfirmuar sërish nga trajneri Luis Enrique se do të jetë ai portieri titullar i Barcelonës në Champions League dhe Kupën e Mbretit, megjithatë dëshira e 23-vjecarit është që të debutojë edhe në La Liga. Në sezonin e tij të parë me blaugranat Ter Stegen zhvilloi në total 21 ndeshje, por asnjë prej tyre në Primera Division, pasi portieri titullar në kampionat është kiliani Claudio Bravo.
“Nuk e di nëse do të luaj në La Liga, një vendim të tillë mund të marrë vetëm trajneri, por unë do ta jap gjithcka në stërvitje për të luajtur titullar në kampionat duke filluar që nga kjo e Dielë. Ëndërroj që shumë shpejt të jemi unë portieri i Barcës edhe në La Liga dhe do të luftoj për ta arritur dicka të tillë”.
Komisioni i disiplinës në Spanjë dënoi me 4 ndeshje skualifikim qëndërmbrojtësin e Barcelonës Gerard Pique për gjestet fyese të përdorura nga ky i fundit kundrejt një prej gjyqtarëve në sfidën e kthimit të Superkupës së Spanjës ndaj Athletic Bilbaos. Sipas Ter Stegen ajo e Piques do të jetë një mungesë e rëndësishme për katalanasit në 4 sfidat e para të La Ligas.
“Mendoj se do ta ndiejmë mungesën e Gerard Pique në fillimin e sezonit. Gjithsesi unë jam i sigurtë se ekipi do të bëjë gjithcka për të arritur rezultate pozitive edhe pa të”.
