Ministrja e MTI-së Hykmete Bajrami nuk ka arritur ta bind as Komisionin e Brendshëm për shkarkimin e Sekretares Eljana Naka. Komisioni ka urdhëruar pezullimin e procedurave për shkarkimin e Sekretares.
Gazeta Express e ka siguruar vendimin e Komisionit ku thuhet se “pezullohet procedura e iniciuar nga z. Shaban Halimi – Ushtrues Detyre i Sekretarit ë Përgjithshëm në Ministrinë e Tregtisë dhe Industrisë ndaj znj. Eljana Naka për mos lajmërim në vendin e punës në afat prej tetë ditës”.
Më tutje thuhet se “rekomandohet Ministria e Tregtisë dhe Industrisë, respektivisht UD i Sekretarit, të shfuqizojë Vendimin nr.7340 të datës 16.07.2015 deri në vendimin përfundimtar të Këshillit të Pavarur Mbikëqyrës të Shërbimit Civil të Kosovës”.
Ja dhe faksimilet e këtij vendim.
