6 minuta mjaftuan për të vendosur fatin e ndeshjes mes Wolfsburgut dhe Eintrachtit të Frankfurtit, me fituesit e Superkupës së Gjermanisë që e nisën sezonin e Bundesligës me një fitore. Ekipi i Hecking triumfoi 2-1 përpara publikut të tij ndaj miqve nga Hessen, me golat që u shënuan të gjithë nga minuta e 13-të deri në minutën e 19-të. Perisic, një prej emrave më të lakuar në merkaton e verës i dha epërsinë “uqjërve” në minutën e 13-të duke shënuar me kokë në portën e Hradecky, pasi shfrytëzoi një pasim të Kruses.
4 minuta më pas ishte Bas Dost që ngriti në 2-0 rezultatin duke u treguar si gjithmonë shumë i saktë brenda në zonë.
Eintracht u rikthye në ndeshje falë një goditje të saktë me kokë të Reinartz në minutën e 19-të.
Goli entuziasmoi Eintrachtin që shtoi presionin dhe krijoi shumë raste, por ishte i pafat në gjetjen e barazimit, me Wolfsburg që me vuajte mori 3 pikët e para në Bundesligë që në javën e parë.
