Dërguan njoftim në qindra adresa elektronike për të treguar se inspektorët po dalin në kontroll në disa pika të shitjes së derivateve, për cilësinë e naftës dhe për sasinë e litrit sipas standardeve, pas ankesave të konsumatorëve. Kur u kritikuan për këtë, MTI, me në krye Bajramin, fajësoi mediat që publikuan njoftimin.
E pas gjithë kësaj, doli se të gjitha pikat e shitjes shesin naftë të cilësisë sipas parametrave edhe me litra sipas parametrave të caktuar, raporton lajmi.net.
Por, paralajmërimi nga ana e institucioneve shtetërore se do të kontrollohen pikat e derivateve të naftës për cilësi dhe sasi të litrit nuk po arsyetohen nga njohës të kësaj fushe.
Vlerësojnë se duhet të bëhen kontrolle më shpesh, të jenë të zakonshme dhe të bëhen ad hoc .
Redaktori i Gazetës Fjala, Zekirja Shabani që është marrë me këto tema e madje është kërcënuar me jetë, thotë se ky është vetëm spektakël , madje sipas tij, po legjitimohet hajnia.
E për akuzën ndaj mediave, që ka bërë Ministria, duke thënë se mediat publikuan njoftimin për kontrollin, Shabani thotë se është akuzë pa vend.
“Ata nuk akne nevojë aspak që të thërrasin mediat që po shkojnë për të bërë punën e tyre. Duhet të dalin ën teren kohë e pa kohë, pa paralajmërime dhe të kontrollojnë cilësinë e edhe litrat”, tha ai për lajmi.net.
“Ky nuk është kontroll, është spektakël kinse po punojnë”, tha Shabani.
Edhe Jakup Gashi përfaqësuesi laboratorit testues për derivate të naftës “ Sierra Lab” tha gjatë ditës për Radio Kosovën se këto kontrolla janë obligim kushtetues por jo edhe paralajmërimi. Për këtë arsye sipas tij, edhe rezultatet mund të jenë jo reale.
“Derisa ka paralajmërime me siguri edhe rezultatet duhet të dalin të mira, kontrollet bëhen pa paralajmërime derisa kontrolla e cilësisë gjatë kontrollit dhe monitorimit të brendshëm është nën 1% atëherë nuk e di edhe sa mund të vlerësojmë dhe të konstatojmë se gjendja është e mirë”, tha Gashi.
Gashi madje thotë se edhe me hyrjen e derivateve në Kosovë nuk po praktikohen kontrollat e cilësisë ashtu siç parashihet me ligj
Ndryshe, raportimi i parë për këtë dukuri që bërë lajmi.net javë më parë, rezultoi me daljen e inspektorëve në teren tek të nesërmen. E edhe pse personat që u ankuan kishin dëshmi se vetura e tyre nuk zë aq shumë derivate sa u detyruan të paguajnë, prapë se prapë u tha se gjithçka ka qenë në rregull.
Zyrtarë të Ministrisë së Tregtisë patën premtuar se do të fillojnë kontrolle më të shpeshta të naftës madje edhe pas orës 4. Ndryshe kjo ministri ka të autorizuara 3 laboratorë që e bëjnë përshkrimin e cilësisë së derivateve të naftës.
