Po kthehet në një telenovelë të vërtetë merkatoje çështja e së ardhmes së Zlatan Ibrahimovic. Pas deklaratave të dashurisë fillimisht ndaj Milanit dhe më pas ndaj Shteteve të Bashkuara të Amerikës, shtatlarti suedez mund t’i shtangë të gjithë me një vendim të papritur. Vendimi është lënë në duart e suedezit, i cili duket se ka një tjetër objektiv, atë të Lindjen e Mesme. Presidenti i kampionëve të Francës, Nasser Al-Khelaifi ka gati një ofertë për 33-vjeçarin, por jo për rinovimin e tij me Paris Saint Germain.
Manjati arab synon që ta transferojë bomberin në Katar për ta bashkuar me ekipin tjetër në pronësi të tij, Al-Sadd, skuadër ku luan edhe Xavi. Kontrata e Ibrahimovic me Paris Saint Germaion skadon në vitin 2016 dhe plani është që ai të luajë për disa sezone te Al Saad dhe pas disa vitesh të transferohet në futbollin amerikan, aty ku ofertat nuk kanë munguar asnjëherë. Oferta e Al Khelaifit mund të jetë joshëse për një lojtar që vitet kanë filluar t’i peshojnë mbi supe sepse ai i ka premtuar 8 milionë Euro në sezon për 3 vitet e ardhshme. Ibra ka kërkuar kohë për të vlerësuar situatën, por nuk është aspak çudi që gjahtari suedez i golit të pranojë ofertën e çmendur të presidentit Al Khelaifi./ss/
