Ministria e Punëve të Brendshme të Kosovës u ka bërë thirrje bashkatdhetarëve që vijnë për festa në Kosovë të zgjedhin vendkalimet kufitare ku ka më pak pritje.
Lexoni të plotë komunikatën e MPB-së
“Ju njoftojmë se për shkak të fluksit të madh për festat e fund vitit, në pikëkalimet kufitare mes Republikës së Kosovës dhe Serbisë, vërehen kolona dhe pritje më të gjata se zakonisht.
Ministria e Punëve të Brendshme, në bashkëpunim me Ministrinë e Diasporës dhe Qendrën Kombëtare për Menaxhimin e Kufijve, janë duke bërë përpjekje gjatë tërë kohës që pritjet të jenë sa më të shkurta, mirëpo jo e gjitha varet nga institucionet e Kosovës.
Andaj i lusim të gjithë bashkatdhetarët që udhëtojnë me vetura, të shfrytëzojnë edhe vendkalimet tjera kufitare, ndërsa gjendjen momentale të kolonave mund ta shohin në kohë reale në faqen e Ministrisë së Punëve të Brendshme dhe në këtë mënyrë të orientohen nga pikat ku ka pritje më të vogla”.
