Të hapurit e shpeshtë të gojës, humbja e vullnetit, lodhja e shpejtë janë vetëm disa nga simptomat të cilat i ndiejmë në periudhën kalimtare nga dimri në pranverë, por që i sjell lodhja pranverore.

Për të ngritur nivelin e energjisë, po ju propozojmë pijen e shëndetshme dhe të shijshme të pasur me vitamina dhe minerale.

Periudha kalimtare nga njëra stinë në tjetrën mund shumica ta ndiejnë, ndërkaq shkaktar i saj është lodhja pranverore, transmeton Telegrafi.

Lodhja e shpejtë, ulja e përqendrimit, hapja e gojës dhe ndjenja e vazhdueshme e nevojës për gjumë janë simptoma të cilat shfaqen, por që janë rezultat i aktivitetit të dobët fizik dhe i marrjes së pakët të vitaminave.

Një ndër ngritësit më të mëdhenj të energjisë i pranishëm në pemët dhe perimet e freskëta është vitamina C.

Pos që ndihmon me rastin e absorbimit të hekurit, është thesar i vërtetë i shëndetit.

Për të plotësuar nevojën për këtë vitaminë dhe për minerale të tjera, ju propozojmë një pije të thjeshtë dhe të shijshme e cila zgjon nga gjumi “dimëror”.

Përbërësit e nevojshëm:

– 4 fletë të mëdha panxhari,
– 1 karotë e madhësisë mesatare e grirë në rende,
– 1 domate e shtrydhur,
– 1 lugë e vogël mjaltë,
– 2 lugë të vogla lëng limoni,
– gjysmë luge të vogël shafran,
– disa kube panxhari të kuq,
– pak xhenxhefil të grirë në rende (sipas dëshirës),
– 2 dl ujë,
– disa kube akull.

Përgatitja:

Vendosni të gjithë përbërësit në një blender ose shtrydhëse frutash, përziejeni dhe shijoni pijen e shëndetshme energjike. /Telegrafi/