Taksa ndaj produkteve të Serbisë dhe Bosnjës nuk ka afat kohor

08.11.2018 17:24
Rreshtat+- AShkronjat+- Printo
Taksa ndaj produkteve të Serbisë dhe Bosnjës nuk ka afat kohor

Vendosja e taksës doganore prej 10 për qind për mallrat që importohen në Kosovë nga Serbia dhe Bosnjë e Hercegovina, nuk ka një afat të caktuar se sa do të zgjasë. Ndërkaq, arsyet e vendosjes së kësaj mase, sipas Qeverisë së Kosovës, janë ekonomike dhe politike.

Ministri i Tregtisë dhe Industrisë në Qeverinë e Kosovës, Endrit Shala, thotë për Radion Evropa e Lirë se kjo masë ka qenë e domosdoshme për ekonominë e vendit, pasi shteti i Serbisë, sipas tij, në vazhdimësi shkel marrëveshjet rajonale.

A e shkeli Kosova CEFTA-n me taksën ndaj mallrave të Serbisë dhe Bosnjës?

Ai thotë se shumica e artikujve të importuar nga Serbia dhe Bosnja, në Kosovë kanë ardhur me çmim më të lirë se në tregun e tyre, me ç’rast kanë krijuar masa damping në tregun e Kosovës.

Ministri Shala është i bindur se Kosova me këto masa nuk i ka shkelur marrëveshjet e nënshkruara për tregti të lirë.

“Siç e parasheh Marrëveshja për tregti të lirë, CEFTA, Ministria e Tregtisë dhe Industrisë ka tentuar në shumë raste që të kontaktojë për këtë çështje me dikasteret përkatëse në Serbi dhe Bosnjë e Hercegovinë. Dhe, asnjëherë nuk kemi marrë përgjigje nga to. Me qëllim të mbrojtjes së ekonomisë vendore, prodhimeve vendore, ka qenë e domosdoshme marrja e një mase të tillë”, thotë Shala.

Sipas ministrit Shala, shteti i Serbisë nuk i lejon transportuesit e Kosovës që të kalojnë as transit nëpër Serbi.

Infografikë
Infografikë

Me qëllim të mbrojtjes së industrisë vendore dhe interesave të Republikës së Kosovës, që nga viti 2014 ekziston Ligji për masat anti-damping dhe masat kundërbalancuese.

Dampingu nënkupton importin e mallrave në Kosovë me një çmim më të ulët të eksportit sesa çmimi i krahasueshëm për produktin e ngjashëm të destinuar për konsum nën kushtet normale të tregut në vendin eksportues.

Kryeministri i Kosovës, Ramush Haradinaj, ndërkaq ka thënë se derisa nuk ndërron qasja e Serbisë ndaj Kosovës, qëndrimet e Kosovës për masat e vëna, do të mbesin në fuqi.

Në një konferencë për media, kryeministri Haradinaj, ka thënë se një ndër arsyet e marrjes së këtyre masave, ndërlidhet edhe me kërcënimet e familjeve të pjesëtarëve serbë të Forcës se Sigurisë së Kosovës nga ana e Beogradit.

Qeveria e Kosovës të martën ka vendosur masë në importin e mallrave nga Serbia dhe Bosnja e Hercegovina.

Bosnja nuk e njeh pavarësinë, por e lakmon tregun e Kosovës

Adriatik Stavileci, zëdhënës i Doganës së Kosovës, thotë për Radion Evropa e Lirë se deri më tani nuk është vërejtur ndonjë ndryshim në importin e produkteve të këtyre dy shteteve në territorin e Kosovës.

“Nuk kemi vërejtur ndonjë ulje ose çështje tjetër në aspekt të rënies ose ngritjes së importit. Sidoqoftë, është shumë herët, nevojiten deri në 10 ditë që të shihen efektet e masës”, thotë Stavileci.

Vendosja e taksës për 10 për qind për produktet serbe dhe boshnjake është mirëpritur nga përfaqësuesit e komuniteteve të bizneseve.

Ndërkohë, që reagime të ashpra kundër kësaj mase kishte në Beograd dhe në Bosnjë e Hercegovinë. Indiferent në këtë aspekt nuk ishte as Bashkimi Evropian, duke ngritur shqetësime se po shkelet Marrëveshja për tregti të lirë, CEFTA.

CEFTA, është një marrëveshje ndërkombëtare e krijuar nga ana e Bashkimit Evropian me qëllim të lehtësimit të këmbimeve tregtare të vendeve të Ballkanit Perëndimor. Kosova është anëtare e këtij mekanizimi që nga viti 2007.

Por, marrëdhëniet tregtare të Kosovës me vendet fqinje, janë përcjellë në vazhdimësi me probleme të shumta. Barrierat tregtare që shtetet si Serbia dhe Bosnje e Hercegovina u kanë vënë produkteve nga Kosova, kanë bërë që edhe Kosova të reagojë, duke vendosur masa reciprociteti në vitin 2011.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
Konkurs për gazetarë dhe praktikantë
artikull i sponzorizuar


Taksa ndaj produkteve të Serbisë dhe Bosnjës nuk ka afat kohor

Taksa ndaj produkteve të Serbisë dhe Bosnjës nuk ka afat kohor

Rrustem Berisha vizitoi kadetët e FSK-së në Akademinë Ushtarake në Kroaci

Rrustem Berisha vizitoi kadetët e FSK-së në Akademinë Ushtarake në Kroaci

Ministri i Arsimit përkrah fyerjet nga zyrtari i tij ndaj gazetares së Kohës Ditore

Ministri i Arsimit përkrah fyerjet nga zyrtari i tij ndaj gazetares së Kohës Ditore

Arrestohet një i dyshuar për falsifikim të dokumenteve

Arrestohet një i dyshuar për falsifikim të dokumenteve

Policia në kërkim të tre grabitësve në Prishtinë, publikon fotografitë e tyre

Policia në kërkim të tre grabitësve në Prishtinë, publikon fotografitë e tyre

Arrestohen grabitësit e pikës së derivateve në Kralan të Gjakovës

Arrestohen grabitësit e pikës së derivateve në Kralan të Gjakovës

Ministri Mustafa takoi të ngarkuarën me punë në ambasadën e SHBA-së Colleen Hyland

Ministri Mustafa takoi të ngarkuarën me punë në ambasadën e SHBA-së Colleen Hyland

MTI në gatishmëri të përgjegjësive institucionale

MTI në gatishmëri të përgjegjësive institucionale

Mitrovica jep në shfrytëzim Qendrën Tregtare, pritet të punësohen 540 veta

Mitrovica jep në shfrytëzim Qendrën Tregtare, pritet të punësohen 540 veta

Pacolli i reagon Daçiqit: Të turpëruar para botës janë ata që kanë kryer gjenocid

Pacolli i reagon Daçiqit: Të turpëruar para botës janë ata që kanë kryer gjenocid

Hahn në fillim të dhjetorit viziton Kosovën

Hahn në fillim të dhjetorit viziton Kosovën

Drejtorët e shkarkuar: Gjesti i Ahmetit tregon mungesë respekti ndaj VV-së

Drejtorët e shkarkuar: Gjesti i Ahmetit tregon mungesë respekti ndaj VV-së

BERZH, hua 6 milionë euro Shqipërisë për energjinë e gjelbër

BERZH, hua 6 milionë euro Shqipërisë për energjinë e gjelbër

Hoxha kërkon më shumë përkushtim për zbatimin e Agjendës Evropiane të Reformave

Hoxha kërkon më shumë përkushtim për zbatimin e Agjendës Evropiane të Reformave

Arrestohen dy persona të dyshuar për kryerjen e veprave penale ‘marrje ryshfeti’, ‘dhënie ryshfeti’ dhe ‘përvetësim në detyrë’

Arrestohen dy persona të dyshuar për kryerjen e veprave penale ‘marrje ryshfeti’, ‘dhënie ryshfeti’ dhe ‘përvetësim në detyrë’

Haradinaj: Prioritet yni, avancimi drejt Bashkimit Evropian

Haradinaj: Prioritet yni, avancimi drejt Bashkimit Evropian