Simiq: Ta zgjidhim çështjen e Trepçës, ta shmangim destabilizimin

10.10.2016 20:23
Rreshtat+- AShkronjat+- Printo
Simiq: Ta zgjidhim çështjen e Trepçës, ta shmangim destabilizimin

“Ngrirja” e pjesëmarrjes së deputetëve të Listës Serbe në Kuvendin e Kosovës është vendim i kësaj liste dhe do të jetë në fuqi deri në ndonjë vendim të ardhshëm, ka konfirmuar për Radion Evropa e Lirë, Sllavko Simiq, kryetar i Listës Serbe dhe deputet i Kuvendit të Kosovës.

Përfaqësuesit e Listës Serbe, të hënën, nuk kanë marrë pjesë në mbledhjen e Kryesisë së Kuvendit të Kosovës, dhe siç ka thënë Simiq, kjo është bërë në shenjë kundërshtimi ndaj miratimit të Ligjit për Trepçën nga ana e legjislativit të vendit.

“E kemi ‘ngrirë’ pjesëmarrjen tonë në Kuvendin e Kosovës dhe në organet e Kuvendit deri në një vendim të ardhshëm. Pra, presim që për çështjen e Trepçës të gjendet një konsensus më i fuqishëm dhe që çështja e Trepçës të zgjidhet përmes bisedimeve.”

“Thjeshtë, as përfaqësuesit politik të serbëve, as menaxhmenti i Trepçës e as qeverisjet lokale në territoret e të cilave gjendet pjesa më e madhe e Trepçës, nuk janë konsultuar dhe nuk kanë marrë pjesë në punimin e projektligjit. Kështu që, për neve, ligji, në formën e tanishme është i papranueshëm”, ka thënë Simiq.

Ai ka theksuar se është duke pritur reagimin e partnerëve të koalicionit, por edhe të Bashkimit Evropian, i cili sipas tij, ka qenë një nga faktorët kryesorë që ka insistuar për integrimin e serbëve në institucionet e Kosovës.

Branimir Stojanoviq, zëvendëskryeministër i Qeverisë së Kosovës nga radhët e Listës Serbe, përmes transmetuesit publik të Serbisë ka porositur përfaqësuesit e kësaj liste në Qeverinë e Kosovës që ta braktisin ekzekutivin. Kjo, për shkakun se, kërkesa e kësaj liste për ta shtyrë shqyrtimin e projektligjit për Trepçën ishte refuzuar nga legjislativi, i cili më pas ka miratuar ligjin.

“Thjeshtë, duhet të gjithë ta kuptojnë se sa është e rëndësishme kjo për të gjithë ne dhe nëse mbeten të shurdhër dhe memec ndaj kësaj, atëherë rekomandimi im personal do të jetë që ta braktisim qeverinë. Ndërkaq, do të shohim se cili do të jetë vendimi i Listës Serbe në tërësi”, ka theksuar Stojanoviq.

Në anën tjetër, ‘ngrirja” e pjesëmarrjes në Kuvendin e Kosovës i përfaqësuesve të Listës Serbe, por edhe rekomandimet nga zëvendësministri Stojanoviq që ata ta braktisin qeverinë e vendit, nuk e rrezikon koalicion qeverisës, kanë vlerësuar përfaqësuesit e dy subjekteve politike, Partisë Demokratike të Kosovës dhe Lidhjes Demokratike të Kosovës.

Kryetari i Kuvendit të Kosovës, Kadri Veseli, njëkohësisht edhe lider i Partisë Demokratike të Kosovës, ka thënë se bojkoti ndaj institucioneve nga ana e përfaqësuesve të Listës Serbe nuk e rrezikon koalicionin qeverisës.

“Nuk e rrezikon aspak koalicionin e as punën e Kuvendit. Por, ajo që nuk është e mirë, bojkoti nuk është zgjidhje. Nuk ka kompromis me çështjet që janë nacionale, me interes të vendit, të shtetit të pavarur të Republikës së Kosovës. Por, nuk është as në interesin e vet serbëve që ta zgjedhin rrugën e bojkotit, kur duhet të marrin përgjegjësi. Është në interesin e vet komuniteteve që të jenë pjesë e institucioneve”, ka thënë Veseli.

Ismet Beqiri, shef i grupit parlamentar të Lidhjes Demokratike të Kosovës, ka theksuar se Lista Serbe apo cilido subjekt politik nuk mund të imponojë zgjidhje me shantazh dhe kërcënim.

“Lista Serbe ose kushdo qoftë – qoftë edhe ndonjë parti politike shqiptare, por në këtë rast veçmas Lista Serbe – nuk mund të shantazhojë dhe nuk mund të kërcënojë dhe të na imponojë zgjidhjet që janë ligjore dhe që është e drejtë e jona.”

“Fundja, ne e kemi pasur këtë obligim dhe e kemi kryer atë. Nuk kemi ndonjë paralajmërim se ata do ta bojkotojnë, po flas për paralajmërim zyrtar, por është e vërtetë se ata sot s’kanë qenë. Sa mund ta rrezikojë kjo koalicionin? Unë nuk mendoj se mund ta rrezikojë”, ka thënë Beqiri, transmeton rel.

Sidoqoftë, Simiq ka theksuar se Lista Serbe është duke pritur një zgjidhje lidhur me Trepçën. Sipas tij, “çfarëdo hyrje në ndonjë fazë, e cila mund të sillte deri te destabilizimi – jo vetëm i Kosovës, por edhe i rajonit” – Lista Serbe nuk e dëshiron”.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Nis së zbatuari vala e parë e sanksioneve amerikane në Iran

Nis së zbatuari vala e parë e sanksioneve amerikane në Iran

Statuti i AKS-së shkon në Bruksel, Qeveria e painformuar me përmbajtjen e tij

Statuti i AKS-së shkon në Bruksel, Qeveria e painformuar me përmbajtjen e tij

Paralajmërimi i kryetarit të Bujanocit për presidentin Thaçi: Nëse në shkëmbim nuk përfshihet krejt Lugina, do të ketë pasoja të rë

Paralajmërimi i kryetarit të Bujanocit për presidentin Thaçi: Nëse në shkëmbim nuk përfshihet krejt Lugina, do të ketë pasoja të rë

Zyrtari i Komunës ‘gërvish’ me thikë policin

Zyrtari i Komunës ‘gërvish’ me thikë policin

I akuzuari për terrorizëm: Në Siri shkova për çështje humanitare

I akuzuari për terrorizëm: Në Siri shkova për çështje humanitare

Podujevë, rrahet punëtori i KEDS-it

Podujevë, rrahet punëtori i KEDS-it

Mungesa e konsensusit rrezikon dialogun me Serbinë, thotë Haziri

Mungesa e konsensusit rrezikon dialogun me Serbinë, thotë Haziri

Indonezi: Fillon evakuimi i turistëve pas tërmetit

Indonezi: Fillon evakuimi i turistëve pas tërmetit

Përkujtohet Asllan Morina – “Plaku i maleve”

Përkujtohet Asllan Morina – “Plaku i maleve”

Mbahet edicioni i pestë i “Promenadë mërgimtare”

Mbahet edicioni i pestë i “Promenadë mërgimtare”

Hashim Thaçi me dy qëndrime për kufirin

Hashim Thaçi me dy qëndrime për kufirin

Franca ka nevojë për 130 mijë punëtorë për restorante dhe hotele

Franca ka nevojë për 130 mijë punëtorë për restorante dhe hotele

PSD nesër nis mbledhjen e nënshkrimeve për seancë të jashtëzakonshme

PSD nesër nis mbledhjen e nënshkrimeve për seancë të jashtëzakonshme

Pacolli: Idetë për korrigjim kufijsh janë retorikë dhe lojëra politike

Pacolli: Idetë për korrigjim kufijsh janë retorikë dhe lojëra politike

Partitë shqiptare në Maqedoni kundër ndryshimit të kufijve në Ballkan

Partitë shqiptare në Maqedoni kundër ndryshimit të kufijve në Ballkan

SHBA mohon të ketë pasur rol në shpërthimet e Venezuelës

SHBA mohon të ketë pasur rol në shpërthimet e Venezuelës