Në territorin e Antarktidës është shfaqur një gropë me përmasa të shtetit amerikan Maine, shkruan Daily Mail.

Sipas profesorit Kent Moore, ekspert i fizikës atmosferike nga Universiteti i Torontos, kjo sipërfaqe duket si “është shpuar një gropë e madhe në akull”, transmeton Telegrafi.

Një gropë e tillë thjesht formohet në regjione të caktuara të Antarktidës, por në këtë rast është formuar nga qindra kilometra vrima të vogla. Shkaqet që kanë bërë që vrimat e vogla të shkrihen dhe të formohet një e madhe nuk dihen.

“Po të mos kishte qenë sateliti, nuk do ta dinim se është atje kjo gropë”, ka shtuar Moore.

Ai ka shtuar se gjatë viteve të ’70-ta në afërsi të këtij vendi, në periferi të detit Vedelo, gjithashtu ishte shfaqur një gropë e ngjashme.

Megjithatë, në mungesë të pajisjeve teknike nuk kanë arritur nuk e kanë trajtuar rastin si duhet.

“Ajo tani është rikthyer”, ka shtuar eksperti.

Moore dhe kolegët e tij me ndihmën e satelitit dhe robotit që funksionojnë në thellësi të mëdha, planifikojnë të gjejnë përgjigjet në pyetjen se si është shfaqur qysh në vitet e ’70-ta një gropë e tillë. /Telegrafi/