Në një rrëfim që ka pushtuar faqet e para në mediat britanike, këngëtarja me origjinë shqiptare, Rita Ora, thotë se është abuzuar seksualisht kur ishte 14 vjeç.
Megjithatë këngëtarja e suksesshme thotë se kjo i ka rritur besimin e saj tek vetja.
Rita thotë se një 26-vjeçar bëri seks me të kur ishte nxënëse për dramë në shkollën “Sylvia Young Theatre” në Londër.
Megjithatë Daily Mail shkruan se për çudi, ajo thotë se nuk është viktimë e abuzimit seksual.
“Nuk do thoja se kam vuajtur, pasi e doja këtë gjë. Nuk dua të them se isha e detyruar për ta bërë. Nuk dua që njerëzit të mendojnë se jam abuzuar kur isha fëmijë”.
Ky rrëfim është pjesë e biogradisë së re të Rita Orës, me titull: “Hot Right Now”.
Autorët Douglas Wight dhe Jenn Wiley kanë intervistuar këngëtaren, e cila thotë se vëmendja që mori nga 26-vjeçari dhe takimi i parë seksual, e bëri të ndjehej sikur ‘mund të pushtonte botën’.
Më përpara, Rita Ora është akuzuar nga viktimat e dhunës në familje se i ka tradhtuar, teksa bashkëpunoi me këngëtarin Chris Brown për singlin e saj “Body on me”.
Libri më i ri zbulon se si u bë e famshme një refugjatë nga Kosova, e cila është një yll ndërkombëtar i muzikës pop.
/mapo.al