Remitencave s’mund t’iu ndërrohet orientimi

14.03.2015 13:11
Rreshtat+- AShkronjat+- Printo

Parave të dërguara nga emigrantët kosovarë për familjet e tyre në Kosovë, të cilat kanë luajtur një rol mjaft të rëndësishëm në mirëqenien e një numri të madh të familjeve, nuk mund t’iu ndërrohet fokusi, vlerësojnë përfaqësues të mekanizmave financiarë në Kosovë.

Orientimi i këtyre mjeteve në investime, sipas drejtorit të Departamentit të Analizave Ekonomike dhe Stabilitetit Financiar të Bankës Qendrore të Kosovës, Arben Mustafa, nuk mund të bëhet.

“Remitencat nuk mendoj se mund të shndërrohen në investime, pasi që ato janë shumë të shpërqendruara dhe ato vijnë në shuma të vogla prej mesatarisht 200 apo 300 euro dhe të cilat edhe nëse duam, prapë nuk mund të akumulohen në një vend dhe të shndërrohen në investime, pasi që ato dërgohen për të financuar konsumin bazik të familjeve që i pranojnë”, thotë Mustafa.

Ekspertët e çështjeve ekonomike, vazhdimisht kanë potencuar se mënyra më e mirë e shfrytëzimit të këtyre mjeteve do të ishte orientimi i tyre në investime në sektorë të ndryshëm në Kosovë, në hapjen e bizneseve familjare, e që rrjedhimisht do të mundësonte punësim dhe zbutje të varfërisë.

Kosova konsiderohet si një ndër shtetet me më së shumti dërgesa të emigrantëve, ku në të shumtën e rasteve, këto dërgesa shfrytëzohen për konsum familjar.

Që nga viti 2004 e deri në fund të shtatorit të vitit të kaluar, shuma e dërgesave nga emigrantët, ka arritur mbi gjashtë miliardë euro.

Sipas të dhënave zyrtare, janë mbi 22 për qind e familjeve që pranojnë remitenca.

Ministri i Diasporës në Kosovë, Valon Murati, thotë se janë duke punuar që me projekte konkrete një pjesë të këtyre remitencave t’i kthejnë në investime. Por, edhe sipas ministrit Murati, jo të gjitha ato mjete që dërgohen në Kosovë, mund të shndërrohen në investime.

 “Na duhet shumë punë dhe shumë bashkëpunim për të gjetur rrugë më të mira që t’i hapim dyert dhe të krijojmë ambient të mirë administrativ, politik, ekonomik, sundimit të ligjit për të tërhequr investitorë nga diaspora, por edhe për të bërë përpjeke që me projekte të veçanta këto remitenca t’i shndërrojmë disa në pjesë të zhvillimit”, thekson ministri Murati.

Remitencat, shton Arben Mustafa, nga Banka Qendrore e Kosovës, duhet të pranohen ashtu si janë, pra që vijnë për të financuar konsumin bazik të ekonomive familjare, por, ai shton se duhet të mendohet që investimeve nga diaspora t’iu krijohet ambient më i mirë afarist.

“Qysh tani duhet të punohet intensivisht dhe qëllimi duhet të jetë si ta shfrytëzojmë këtë potencial të diasporës. Ne nuk mund ta presim që diaspora të vijë të investojë në Kosovë për shkaqe patriotike, por qëllimi ynë është që t’i ofrojmë diasporës një ambient më të mirë për investime. Dhe, këtu kur duam të tërheqim investitorët e huaj, përparësia më e madhe të jetë te diaspora jonë e madhe”, shton Mustafa, raporton rel.

Ndryshe, diaspora kosovare kishte shprehur interesim për të krijuar fonde të veçanta zhvillimore, por deri më tani nuk ka pasur asgjë konkrete.

Në një analizë të bërë nga Grupi për Studime Juridike dhe Politike është theksuar se pa dërgesat e qytetarëve të Kosovës që jetojnë jashtë vendit, norma e varfërisë në vend do të ishte 50 për qind më e lartë.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Kourtney Kardashian kapet ‘mat’ me ish të dashurin

Kourtney Kardashian kapet ‘mat’ me ish të dashurin

Serbi ktheu në private tokën shoqërore në vlerë të rreth 5 milionë eurove (Video)

Serbi ktheu në private tokën shoqërore në vlerë të rreth 5 milionë eurove (Video)

Ligji për paga trazon punëtorët e sektorit publik

Ligji për paga trazon punëtorët e sektorit publik

Sindikalistët kërkojnë takim urgjent me krerët e shtetit, arsyja Ligji për Paga

Sindikalistët kërkojnë takim urgjent me krerët e shtetit, arsyja Ligji për Paga

BQK-ja mbyll “Monego” dhe “Iute Credit”

BQK-ja mbyll “Monego” dhe “Iute Credit”

KEK-u thotë është i gatshëm për sezonin dimëror

KEK-u thotë është i gatshëm për sezonin dimëror

Chelsea gati të bëjë çmendurinë për Sanchon

Chelsea gati të bëjë çmendurinë për Sanchon

Personat e lindur në dhjetor jetojnë më së gjati

Personat e lindur në dhjetor jetojnë më së gjati

Sergio zbulon shifrat e çmendura që fitojnë këngëtarët nga Youtube

Sergio zbulon shifrat e çmendura që fitojnë këngëtarët nga Youtube

Adrola Dushi mahnit si prezantuse

Adrola Dushi mahnit si prezantuse

Kosova mund të hyjë në vitin 2020 pa buxhet

Kosova mund të hyjë në vitin 2020 pa buxhet

Katy Perry pauzon planet per martesë

Katy Perry pauzon planet per martesë

OSHP-ja e diskualifikoi operatorin ekonomik “Fadi Com SHPK” se falsifikoi dokumentet

OSHP-ja e diskualifikoi operatorin ekonomik “Fadi Com SHPK” se falsifikoi dokumentet

Bordi i AKP-së miraton transakcionet e SHAL 52

Bordi i AKP-së miraton transakcionet e SHAL 52

Pagesa në kesh deri në 3 mijë euro dhe jo si deri tani 500 euro

Pagesa në kesh deri në 3 mijë euro dhe jo si deri tani 500 euro

Miqtë janë qetësues natyralë dhe më të efektshëm sesa morfina

Miqtë janë qetësues natyralë dhe më të efektshëm sesa morfina