Rrëzimi i helikopterit jashtë stadiumit King Power la të vdekur pesë persona dhe kjo preku të gjithë në botën e futbollit.
Në helikopter në momentin e përplasjes ishte pronari i Leicester Cityt, Vichai Srivaddhanaprabha, dy pjesëtarë nga stafi i tij, piloti dhe partnerja e tij.
Tani janë publikuar edhe pamjet e para që tregojnë qartë momentin kur helikopteri u ngrit nga stadiumi i ‘Dhelprave’ pas ndeshjes ndaj West Hamit, dhe për shkak problemeve teknike pas ngritjes kishte filluar të rrotullohej në mënyrë të pakontrolluar.
Pas gjithë kësaj helikopteri u rrëzua në parkingun e veturave 200 metra jashtë stadiumit.
Në media është raportuar se piloti Eric Swaffer bëri të pamundurën që rrëzimi të jetë sa më larg stadiumit pasi rreth tij kishte ende tifozë.
Rrotullimet e kontrollua filluan pasi helikopteri ishte në një lartësi të madhe nga toka
Srivaddhanaprabha kishte blerë klubin anglez në vitin 2010 dhe pas investimeve dhe menaxhimit të mirë të krijojë një skuadër që fitoi titullin e Ligës Premier në sezonin 2015/16.
Biznesmeni tajlandez ishte i njohur edhe për veprat e tij humane në qytetin e Leicesterit. /Telegrafi/
