Golden State Warriors ka pësuar humbje shokuese në kryendeshjen e të enjtës mbrëma ndaj Portlandit me rezultat 123-117.
Ky super duel u shoqërua me super performanca ku kampionëve nuk u mjaftuan as 50 pikë nga Kevin Durant.
Damian Lillard shtoi 44 pikë në kampin tjetër duke pasur performancë fantastike bashkë me McCollum që shtoi 29 pikë të tjera në këtë takim. Curry dështoi totalisht duke realizuar vetëm 17 pikë dhe duke mos ndihuar skuadrën e tij.
LA Clippers shkatërruan Bostonin në mes të TD Garden me rezultat 129 – 119, e ku shkëlqeu DeAndre Jordan me 30 pikë e 13 kërcime, kurse Gallianari shtoi 20 pikë e Harris, 21 pikë. As 33 pikët e Irving nuk mjaftuan në këtë takim.
Harden realizoi 28 pikë në fitoren e Houstonit me rezultat 100-91 në shtëpi ndaj Sacramentos.
Oklahoma vazhdoi ngritjen në tabelë duke mposhtur në udhëtim Memphis Grizzlies falë 28 pikëve të Paul George, kurse triple double fantastik realizoi Westbrook. Ky i fundit arriti 23 pikë, 13 kërcime dhe plot 15 asistime.
Pas këtyre ndeshjeve në Lindje vazhdon të forcojë pozitën e parë Toronto me dy fitore më shumë se Bostoni dhe shtatë më shumë se Cavs.
Kurse, në Perëndim është Houstoni që zotëron pozitën e parë me një fitore më shumë se Golden State.
/Telegrafi/
