Palmer: Krijimi i qeverisë, sfida e tanishme për Kosovën

02.08.2019 20:13
Rreshtat+- AShkronjat+- Printo
Palmer: Krijimi i qeverisë, sfida e tanishme për Kosovën

Matthew Palmer, Zëvendës Ndihmës Sekretar i Shtetit për çështjet e Evropës dhe Euroazisë tha se sfida e tanishme e Kosovës është krijimi i një qeverie, e cila do ta kthente vendin në dialogun me Serbinë dhe do të pezullonte tarifën ndaj mallrave serbe.

Palmer theksoi se përcaktimi i parametrave të negociatave është përgjegjësi e palëve dhe se përqëndrimi vetëm te hartat dhe territoret zhvendos vëmendjen nga rëndësia e arritjes së një marrëveshjeje gjithpërfshirëse për normalizimin e plotë të marrëdhënieve mes Kosovës dhe Serbisë.

Zëri i Amerikës: A besoni se pas dorëheqjes së Kryeministrit të Kosovës Ramush Haradinaj, ekziston një rrugë e qartë për Kosovën dhe Serbinë që të rifillojnë dialogun mes tyre?

Matthew Palmer: Ne kemi shumë shpresë që Beogradi dhe Prishtina mund të gjejnë një rrugë për t’u kthyer në tryezën e bisedimeve dhe pastaj të gjejnë rrugën për arritjen e një marrëveshjeje që të ketë mbështetje reciproke, që të rezultonte në normalizimin e plotë të marrëdhënieve mes tyre. Dhe kjo do të hapte rrugën për një të ardhme evropiane për të dyja vendet, për Kosovën dhe për Serbinë.

Zëri i Amerikës: A janë shanset më të mëdha tani që Haradinaj nuk është më Kryeministër?

Matthew Palmer: Mendoj se ajo që është nevojshme tani është krijimi i një qeverie në Kosovë. Kjo është sfida e menjëhershme. Ne duam që Kosova të fillojë përpjekjet për formimin e një qeverie sa më shpejt që të jetë e mundur. Ne do të dëshironim që ajo qeveri pastaj t’i kthehet sa më shpejt dialogut, përfshirë pezullimin e tarifës ndaj mallrave të Serbisë dhe Bosnje Hercegovinës. Ne shpresojmë që kjo të fillojë së shpejti.

Zëri i Amerikës: Zoti Haradinaj ka qenë një nga kundërshtarët më të mëdhenj të idesë së shkëmbimit të territoreve si një zgjidhje e mundshme. A mendoni se tani që ai nuk është më Kryeministër ekziston një mundësi më e madhe për arritjen e një zgjidhje të tillë mes Presidentëve Vuçiç dhe Thaçi?

Matthew Palmer: Ne tani jemi të përqëndruar te rikthimi i palëve në tryezën e bisedimeve. Me t’u kthyer në tryezë, sigurisht është pastaj çështja se për çfarë do të negociojnë. Dhe i takon në të vërtetë vetë palëve të përcaktojnë se cilat janë parametrat e asaj që do të negociohet. Asnjëra nga palët nuk do të detyrohet të bëjë diçka që nuk mund ta bëjë. Por ne do të dëshironim që negociatorët të negocionin me vullnet të mirë për një marrëveshje që mund të çojë në njohje reciproke mes Serbisë dhe Kosovës dhe në një rrugë drejt Evropës. Shtetet e Bashkuara nuk do të vendosin ose diktojnë se cila do të jetë sfera e negociatave.

Zëri i Amerikës: Disa ekspertë në Uashington, pretendojnë se ekziston një draft marrëveshje mes Presidentëve Vuçiç dhe Thaçi që përfshin shkëmbimin e territoreve dhe kjo marrëveshje është gati t’i paraqitet publikut. A keni njohuri për këtë?

Matthew Palmer: Nëse ekziston një draft marrëveshje, nëse ekziston një marrëveshje gjithpërfshirëse që është gati për nënshkrim, unë nuk e kam parë.

Zëri i Amerikës: A keni dëgjuar për këtë?

Matthew Palmer: Persona të njëjtë që flasin me ju, flasin edhe me mua, duke më thënë të njëjtën gjë. Unë mendoj se ende ka shumë gjëra për të cilat duhet negociuar. Kështu që, rikthimi i palëve në tryezën e bisedimeve është hapi i parë.

Zëri i Amerikës: Por a ka ndonjë ide ose marrëveshje reciproke që mund të arrihet bazuar në shkëmbimin e territoreve? A keni njohuri për këtë?

Matthew Palmer: Sigurisht që palët kanë biseduar për një kohë të gjatë se cilat janë parametrat e një marrëveshjeje. Nuk e di se cilat janë çështjet thelbësore sa i përket territorit ose ndonjë komponenti të veçantë të kësaj. Çdo marrëveshje që do të arrihet do të jetë gjithëpërfshirëse, do të ketë komponente politike, të sigurisë, ekonomike, tregtare, kulturore, për shembull kur është fjala për pronën e kishës ortodokse në Kosovë. Pra, unë mendoj se përqëndrimi vetëm te hartta dhe territoret e zhvendos mjaft vëmendjen nga domethënia e vërtetë e marrëveshjes gjithpërfshirëse për normalizimin. Përkufizimi i normalizimit është përgjegjësi e palëve. Dhe ato mund ta bëjnë këtë vetëm në tryezën e dialogut.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Palmer: Krijimi i qeverisë, sfida e tanishme për Kosovën

Palmer: Krijimi i qeverisë, sfida e tanishme për Kosovën

ATK shënon rritjen në trendin e të hyrave

ATK shënon rritjen në trendin e të hyrave

Daçiq takon diplomatët serbë, iu flet për Kosovën

Daçiq takon diplomatët serbë, iu flet për Kosovën

100 infermierë të profileve të ndryshme fillojnë punën në QKUK

100 infermierë të profileve të ndryshme fillojnë punën në QKUK

“S’ka marrëveshje për emra të përveçëm”, Isa Mustafa merr “goditje” edhe nga Lutfi Haziri

“S’ka marrëveshje për emra të përveçëm”, Isa Mustafa merr “goditje” edhe nga Lutfi Haziri

VV: Nuk janë realizuar të gjitha elementet e transformimit të FSK-së në ushtri

VV: Nuk janë realizuar të gjitha elementet e transformimit të FSK-së në ushtri

Ministria e Bujqësisë: Mbështetja financiare për fermerët nuk mund të njolloset me tendenca politike paraelektorale

Ministria e Bujqësisë: Mbështetja financiare për fermerët nuk mund të njolloset me tendenca politike paraelektorale

Ngritet aktakuzë ndaj personit që shkaktoi aksident me fatalitet

Ngritet aktakuzë ndaj personit që shkaktoi aksident me fatalitet

Ndodh e pritshmja: LDK pikë e pesë në zgjedhje, Veliu kundër Mustafës

Ndodh e pritshmja: LDK pikë e pesë në zgjedhje, Veliu kundër Mustafës

Haradinaj ia atribuon të gjitha sukseset vetvetes, ende e përmend liberalizimin e vizave

Haradinaj ia atribuon të gjitha sukseset vetvetes, ende e përmend liberalizimin e vizave

Tahiri: Kthimi i qytetarëve nga Siria e bëri Kosovën referencë globale kundër terrorizmit

Tahiri: Kthimi i qytetarëve nga Siria e bëri Kosovën referencë globale kundër terrorizmit

Thaçi nisë tentimet për ta arnuar Qeverinë i kërkon PAN’it një mandatar

Thaçi nisë tentimet për ta arnuar Qeverinë i kërkon PAN’it një mandatar

Njeriu i Putinit në Beograd: Mbështesim një kompromis dhe një zgjidhje kreative mes Kosovës e Serbisë

Njeriu i Putinit në Beograd: Mbështesim një kompromis dhe një zgjidhje kreative mes Kosovës e Serbisë

Palmer: Qeveria në ardhje ta heqë taksën dhe ta vazhdojë dialogun

Palmer: Qeveria në ardhje ta heqë taksën dhe ta vazhdojë dialogun

Çfarë paralajmërimi i ka bërë Lutfi Haziri sot kryesisë së LDK’së dhe Mustafës

Çfarë paralajmërimi i ka bërë Lutfi Haziri sot kryesisë së LDK’së dhe Mustafës

Projektligji, pasaporta shqiptare edhe për qytetarët e Kosovës?

Projektligji, pasaporta shqiptare edhe për qytetarët e Kosovës?