Përpos mungesës së shpeshtë në Kuvendin e Kosovës, ministrat kanë filluar të bojkotojnë edhe mbledhjet e qeverisë.
Mungesa e tyre e nervozoi tej mase kryeministrin Haradinaj, i cili madje paralajmëroi shkarkim të ministrave që munguan pa arsye në këtë mbledhje, raporton KTV.
E një nga ta që mund ta pësojë është edhe ministri i ri i Punëve të Brendshme, Bejtush Gashi, mungesa e të cilit e bëri nervoz shefin e qeverisë.
Mbledhja e Qeverisë ishte paraparë të mbahej nga ora 14.00 dhe në rend dite ishin 13 pika, e njëjta në mungesë të kuorumit u shty për të martën në orën 15.
