Nënkryetari i AAK’së provokon Opozitën: Rrëzonani nëse i keni numrat

07.07.2019 11:02
Rreshtat+- AShkronjat+- Printo
Nënkryetari i AAK’së provokon Opozitën: Rrëzonani nëse i keni numrat

Opozita ka shpeshtuar zërat për ngritjen e një mocioni për rrëzimin e Qeverisë Haradinaj. Lekaj thotë se opozita po tallet me qytetarët, pasi që nuk i ka numrat për rrëzimin e Qeverisë, madje thotë se nuk ka asnjë arsye për ta bërë një gjë të tillë.

Por këtë nismë nënkryetari i AAK-së, Pal Lekaj, që njëherësh është edhe ministër i Infrastrukturës dhe Transportit, po e vlerëson si joserioze.

Lekaj në një intervistë për EkonomiaOnline thotë se opozita po tallet me qytetarët, pasi që nuk i ka numrat për rrëzimin e Qeverisë, madje thotë se nuk ka asnjë arsye për ta bërë një gjë të tillë.

Thotë se Haradinaj do të mbahet në mend për “vendimet e dobishme”.

“Opozita është munduar që prej ditës së parë ta rrëzojnë Qeverinë Haradinaj, por deri më tani nuk ka seriozitet, sepse as nuk i kanë numrat, as nuk kanë arsye. Mirëpo, unë i them opozitës, ju lutem mos bëni shaka me qytetarët. Nëse i keni numrat thirreni mbledhjen e jashtëzakonshme te Kuvendit bëjeni mocionin dhe ne jemi të përgjegjshëm ndaj votës së qytetarëve dhe nëse e kanë shumicën ne pajtohemi. AAK-ja është serioze në punë e vet. Haradinaj ka qenë ndër kryeministrat që do të mbahet mend për vendimet e dobishme dhe trajtimin e temave që nuk janë trajtuar për 20 vjet”. tha ai.

Vendimi për Ushtrisë, taksa ndaj prodhimeve serbe, vendimi për Trepçën, vendimi për ndërtimin e termocentralit “Kosova e Re” dhe reforma në administratën publike, sipas nënkryetarit të AKK-së, kanë ndikuar që Kosova të duket shtet.

“Nëse e shikojmë tërë këtë punë të Qeverisë, ka ndryshime pozitive dhe për herë të parë mund të them se është ka i vjen era shtet Republikës së Kosovës, falë vendime të Kryeministrit dhe Qeverisë në përgjithësi dhe në këtë drejtim mendoj që nëse i shikojmë të gjitha këto nuk kemi asnjë arsye për shqetësim, por opozita nuk e sheh komplet punën tonë, ndoshta duhet me ua pru do syza që mund të shohin ma mirë punën dhe të mos e shohin vetëm zi. Ne po e kryejmë punën tonë dhe nuk na shqetëson fakti i iniciativave sepse po t’i kishin numrat kaherë kishim shkuar në shtëpi. Përndryshe nëse i kanë numrat mos të presin dhe ta qesim mocionin për rrëzimin e qeverisë në Kuvend”, thotë ai.

I pyetur për vendimin e kryetarit të PDK-së, Kadri Veseli, për largimin e zyrtarëve shtetërorë që kanë aktakuza për korrupsion dhe keqpërdorim të detyrës, Lekaj thotë se është partiak dhe se nuk e obligon AAK-në, e as partnerët e tjerë të koalicionit që ta bëjnë një veprim të tillë.

“Mendoj që veprimet janë të ndara sepse ai është kryetar i një partie dhe nuk është marr vendimi në nivel të Qeverisë. Por sikur të ish marr vendimi në nivel të Qeverisë, kisha menduar ndryshe, pra ish dashur të respektohet çfarëdo marrëveshje që bëhet mes koalicionit. Është veprim ndaras dhe ai i sheh benefitet, apo dobësitë në partinë që e udhëheq dhe nuk jam ai që i komentoj. Por ne si AAK me liderin Haradinaj i kemi të ndara përgjegjësitë dhe nuk është marrë vendim në nivel të Qeverisë, por janë procese të ndara”, tha ai.

Vendimi i Veselit thotë se do të ishte kredibil po që se do të kishte sistem të mirëfilltë drejtësisë.

Ndërsa shton se edhe AAK-ja në Kuvendin e Punës ka nënshkruar kodin e etikës i cili parasheh që zyrtarët e saj të jenë të pastër dhe kredibil.

“Por a duhet, ne si Aleancë në Kuvendin e Punës kemi nënshkruar kodin e etikës që jemi të parët ndër partitë dhe do ta implementojmë me përpikëri që të kemi njerëz të ndershëm. Por ajo që vlen të theksohet këtë vend ka procese pulitke, kur të jesh në procese gjyqësore të drejta dhe pa përzierje të politikës mendoj që çdo ministër, apo çdo zyrtar nëse i ngrihet një aktakuzë duhet ta lirojë vendin. Por kur e sheh që në atë aktakuzë ka 90 për qind sulme politike se sa profesionale, atëherë me të vërtetë është vështirë sepse e keni parë që me një deklaratë pa u argumentuar fare këtë vend opozita dhe individ të caktuar të bëjnë hajn pa pasur asnjë argument”, tha ai.

Vendimi i kryetarit të PDK-së, Kadri Veseli për largimin e të gjithë zyrtarëve të akuzuar për korrupsion, është përkrahur edhe nga shefja e BE-së, e cila ka kërkuar nga partitë e tjera që ta marrin si shembull këtë veprim.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Edhe 12 të shëruar dhe gjashtë raste të reja me COVID-19 në Kosovë

Edhe 12 të shëruar dhe gjashtë raste të reja me COVID-19 në Kosovë

Thaçi i shokuar me “amaterizmin e Bordit të përkohshëm të KEK-ut dhe servilëve të tyre”

Thaçi i shokuar me “amaterizmin e Bordit të përkohshëm të KEK-ut dhe servilëve të tyre”

Nis peticioni i VV-së me kërkesën për zgjedhje

Nis peticioni i VV-së me kërkesën për zgjedhje

Në dukje një çift normal, zbrazin 20 plumba ndaj policëve (VIDEO)

Në dukje një çift normal, zbrazin 20 plumba ndaj policëve (VIDEO)

6 zyrtarë të MI-së morën paga shtesë për mbikëqyrjen e një projekti, njëri mori mbi 30 mijë euro

6 zyrtarë të MI-së morën paga shtesë për mbikëqyrjen e një projekti, njëri mori mbi 30 mijë euro

Facebook nuk pranon të marrë masa pas komenteve të Trumpit

Facebook nuk pranon të marrë masa pas komenteve të Trumpit

Donald Trump thotë se protestuesit do të përballen me qentë dhe armët nëse sulmojnë Shtëpinë e Bardhë

Donald Trump thotë se protestuesit do të përballen me qentë dhe armët nëse sulmojnë Shtëpinë e Bardhë

41% e kosovarëve në kohë pandemie ulën konsumin, 15% morën para borxh

41% e kosovarëve në kohë pandemie ulën konsumin, 15% morën para borxh

Vetëvendosje me peticion kërkon zgjedhje

Vetëvendosje me peticion kërkon zgjedhje

Heldti pas anketës së UNDP-së: Statistikat flasin vetë

Heldti pas anketës së UNDP-së: Statistikat flasin vetë

Miftaraj: Vendimet e Kushtetueses duhet të zbatohen, partitë politike të mos e sulmojnë gjykatën apo gjykatësit e saj

Miftaraj: Vendimet e Kushtetueses duhet të zbatohen, partitë politike të mos e sulmojnë gjykatën apo gjykatësit e saj

Bankat në Kosovë të gatshme për dhënien e kredive

Bankat në Kosovë të gatshme për dhënien e kredive

Von Cramon: Shkëmbimi i territoreve mes Kosovës dhe Serbisë i papranueshëm

Von Cramon: Shkëmbimi i territoreve mes Kosovës dhe Serbisë i papranueshëm

Kundër shembjes me eksploziv të pallatit të VIP-ave në Durrës, banorët në protestë

Kundër shembjes me eksploziv të pallatit të VIP-ave në Durrës, banorët në protestë

Gjendja e jashtëzakonshme në Maqedoni edhe për 14 ditë

Gjendja e jashtëzakonshme në Maqedoni edhe për 14 ditë

Mustafa: Gjykata s’ia mbajti askujt anën

Mustafa: Gjykata s’ia mbajti askujt anën