Një burrë kishte menduar se përgjithmonë e kishte humbur qenin e tij, megjithatë ai u rikthye në shtëpi vetë i treti – një këlysh dhe një dhi.

Gruaja e Kyle Krier, Laura nga Concordia, Kansas, e kishin lejuar qenin e tyre të dalë jashtë që të kryej nevojën fiziologjike, por ai më nuk u kthye brenda, transmeton Telegrafi.

“E kemi kërkuar në të gjitha anët por nuk e kemi gjetur. Vendosëm të kthehemi në shtëpi dhe të presim të kthehet, megjithatë ai nuk u shfaq. Të nesërmen vazhdova ta kërkoj por nuk kishte kurrfarë shenje të tij”, ka deklaruar Laura.

Atyre iu shuan shpresat se miku i tyre do të rikthehet, megjithatë u habitën kur e kuptuan se ai është parë rreth gjashtë milje larg shtëpisë së tyre.

“Gruaja ime pranoi një telefonatë ku një person i tregoi se për pak sa nuk e kishte shtypur një qen të racës labrador më ngjyrë të zezë, një tjetër me të bardhë dhe një dhi që po ecnin në rrugë. Pas këtij lajmi, më telefonoi menjëherë dhe aty e kuptova se bëhet fjalë për qenin tonë. U largova nga puna para kohës për ta kërkuar”, ka deklaruar Krier.

Videoja e publikuar më poshtë, shfaq momentin emocionues kur qeni vrapon nëpër një fushë të misrit i shoqëruar nga një qen tjetër dhe një dhi që menjëherë futen në veturën e pronarit të qenit të humbur. /Telegrafi/