Krasniqi: Kur kërkoja drejtësi në Kosovë, isha goxha i vetmuar

27.10.2016 20:34
Rreshtat+- AShkronjat+- Printo
Krasniqi: Kur kërkoja drejtësi në Kosovë, isha goxha i vetmuar

Jakup Krasniqi

Kur para trembedhjete viteve kerkoja drejtesi ne Kosove, isha goxha i vetmuar dhe jo vetem i vetmuar?! Me shume, cdo i interesuar per t’u njofuar me detalisht, mund te gjindet ne librin tim: Nje lufte ndryshe per Kosoven, botim i “Buzukut”, Prishtine – 2007.

QEVERIA E KOSOVËS MINISTRIA E SHËRBIMEVE PUBLIKE, MINISTRI – Jakup Krasniqi

Prishtinë, më 29.07.2003

Për: Sekretarin e Përgjithshëm të OKB-së z. K. Anan, Këshillin e Evropës, Parlamentin Evropian, SD e SHBA-ve,

CC: Përfaqësive Diplomatike në Prishtinë, Kryeministrit të Kosovës, Presidentit dhe Kryetarit të Parlamentit të Kosovës dhe mjeteve të informimit publik.

Lënda: Informacion mbi disa mangësi të Administratës se UNMIK-ut në Kosovë në periudhën katër vjeçare

Drejtësia

1. Mangësi në krijimin e Sistemit të Drejtësisë të papolitizuar dhe efikas. I tërë sistemi i Drejtësisë në Kosovën e pas luftës çlirimtare është ngritur mbi bazën e një politike anakronike të mbështetur në sistemin e “Drejtësisë” serbe të para luftës çlirimtare. Dihet se ky sistem përbëhet nga katër shtylla.

a) Hetuesia

Hetuesia është një segment i rëndësishëm i Gjyqësisë. Hetuesia në të kaluarën është udhëhequr nga SHIS (UDB-eja). Ky ka qenë segmenti më i kriminalizuar që me dekada ka “vra e kthjellë” në Kosovën e pushtuar. Pas luftës çlirimtare (UDB-a e KOS-i [ Kontra Obeveshtajna Sluzhba]), strukturat e tyre të organizuara në Kosovë, jo vetëm që nuk janë ndjekur, por janë rigrupuar dhe riorganizuar në forma të reja. Këto struktura të riorganizuara udhëheqin jo vetëm me policinë hetimore të UNMIK-ut në Kosovë. Gjuha më e preferuar e hetuesve që as sot nuk kanë ndryshuar kanë qenë: grushtet, shuplakat (flakareshat), shkopit e drurit e të gomës, elektroshoku, mundimet e ndryshme fizike e psikike, mashtrimet, shpërblimet prej më të ndryshmeve, presionet për të dëshmuar rrejshëm dhe format tjera të devalvimit të personalitetit të njeriut. Shumicën e tyre i shohim e dëgjojmë se po përdoren edhe sot në kohën e sundimit të UNMI K-ut. Boshnjaket e kanë pasur një shprehje: “Kadia të tuzhi, Kadia të sudi”.

b) Prokuroria

Prokuroria është segmenti i dytë mjaft i rëndësishëm i Gjyqësisë. Prokuroria në të kaluarën ka qenë shumë e lidhur me dy segmentet e policisë sekrete serbe e jugosllave (UDB-en dhe KOS-in). Edhe Prokuroria si Hetuesia e UNMIK-ut është ngritur mbi themelin e asaj të pushtuesit. Ishte e politizuar dhe në shërbim të politikës kriminale serbe. Ishte segment e vegël e fuqishme e dhunës dhe e terrorit serb në Kosovë. E tillë është edhe sot. Dëshmi për ketë janë: pistat e ndjekjes (vetëm ndaj çlirimtarëve) dhe dështimet e shumta në gjyqësi. Pjesëtarët e policisë sekrete serbe jo vetëm që nuk janë ndjekur nga askush pas luftës çlirimtare, kundër tyre nuk është udhëhequr as edhe një gjyq, përkundrazi, ata janë burim i sigurt për krijimin (vazhdimin) e Dosjeve dhe konstruktimin e akuzave të rrejshme kundër pjesëtarëve të Ushtrisë Çlirimtare të Kosovës.

c) Mbrojtja

Edhe mbrojtja në të kaluarën ishte në shërbim të politikës që bënte pushteti i huaj në Kosovë. Ishte hallkë e fuqishme e gjyqësisë serbe. As mbrojtja pas luftës çlirimtare nuk ka bërë ndonjë kthesë serioze edhe pse nuk është e tëra për tu sharë. Avokatet e rinj janë të papërvojë dhe me vështirësi dalin nga tutela e më të moshuarve. Dëshira për para, të ndonjëri mentaliteti i vjetër i bën të pafuqishëm para pushtetmbajtësve me fuqi mesjetare. Tradicionalisht avokatët kosovarë kanë qenë frikacakë. Nuk kanë ndonjë përgatitje profesionale për sistemin e “ri” të mbrojtjes. Administrata e UNMIK-ut, këtij segmenti të pavarur të Drejtësisë kosovare nuk i ka krijuar hapësirë të mjaftueshme të veprimit, nuk i ka afruar informacionin e domosdoshëm për të bërë mbrojtje të suksesshme të klientëve të tyre në gjyqet e montuara politike, përkundrazi i kanë penguar në forma të ndryshme të presionit e të shantazhit.

d) Gjyqësia

Gjyqësia vazhdon të jetë segmenti më i politizuar i Drejtësisë se UNMIK-ut në Kosovë. Në Gjyqësi, UNMIK-u as pas katër viteve nuk ka arritur të krijojë autoritet vendor. Gjyqet politike udhëhiqen nga të huajt që nuk shquhen as në aspektin profesional a intelektual, me vete nuk sjellin ndonjë praktikë të përparuar e demokratike. Në gjyqin e fundit të zhvilluar në Prishtinë nuk pati transparencë. Mjetet e informimit publik u penguan ta njoftonin opinionin se çka po ndodhte në seancat gjyqësore. Gjykatësit vendor vazhdojnë me mentalitetin e vjetër. Gjykatësit e huaj udhëhiqen nga Dosjet e mbetura të UDB-ës. Gjyqet e zhvilluara deri me tani tregojnë falsitetin, mjerimin dhe dështimin e drejtësisë se UNMIK-ut dhe pa perspektivën e asaj kosovare. Njerëzit po vazhdojnë të bien viktima të padrejtësisë që po udhëhiqet në gjykatoret e UNMIK-ut në Kosovë. Gjyqet janë në shërbim të një politike që tradicionalisht ka qenë kundà «r shqiptarëve, pra gjyqet nuk janë duke u udhëhequr nga parimet e drejtësisë. Qëllim i gjykatave nuk është drejtësia, është politika eliminatore e socialshovinistëve serb të udhëhequr nga Tito e Rankoviqi e të vazhduar nga Millosheviqi. Fatkeqësisht, drejtësia po goditet për vdekje përsëri në Kosovë, tani nga gjyqësia ndërkombëtare. Kush duhet ta shpëtojë drejtësinë në Kosovë?! A mund këtë të bëjë drejtuesi i Shtyllës së I të UNMIK-ut? Kurrë! Kurrë! Kurrë!

Nëse tërheqim një paralele mes gjyqeve të organizuara në Kosovë në vitet e 80-ta nga FJ e Serbia dhe këtyre të UNMIK-ut sot, këto të fundit janë më të konstruktuara e të montuara se sa ato të para luftës çlirimtare. Atëherë ishim të vetëdijshëm se po e shkelnim me vetëdije një rend kushtetues të padrejtë, një rend politiko-shoqëror të padrejtë e të bërë gogol edhe për fëmijët në djep, po e luftonim një shtet okupator, që kishim vendosur ta kundërshtonim e luftonim me të gjitha mjetet dhe më në fund e realizuam të drejtën tonë të ligjshme dhe të natyrshme. Tani jemi sinqerisht dhe tërësisht të angazhuar për të ndërtuar një shtet të pavarur, demokratik dhe të sigurt për gjithë qytetarët e saj. Edhe ky qëllim e synim fisnik yni po e pengon dike?!

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Hoyt Yee në Shkup, takon krerët e partive shqiptare

Hoyt Yee në Shkup, takon krerët e partive shqiptare

Kosova në vitin 2016 ka eksportuar 1,038 miliardë euro shërbime

Kosova në vitin 2016 ka eksportuar 1,038 miliardë euro shërbime

Nëse demarkacioni s’kalon bie Qeveria, kufiri i NATO’s s’ndryshohet me luftë

Nëse demarkacioni s’kalon bie Qeveria, kufiri i NATO’s s’ndryshohet me luftë

Nikoliq: Jam pro lidhjeve të Vuçiq me Rusinë dhe Kinën

Nikoliq: Jam pro lidhjeve të Vuçiq me Rusinë dhe Kinën

Hoyt Yee në Shkup, pritet presion më i fuqishëm mbi Gruevskin

Hoyt Yee në Shkup, pritet presion më i fuqishëm mbi Gruevskin

Joshua nokautoi Klitschkon, shpallet kampion i ri i botës (Video)

Joshua nokautoi Klitschkon, shpallet kampion i ri i botës (Video)

Mustafa godet AAK’në, NISMA’n dhe VV’në: Janë popullistë banalë me kauza të rrejshme

Mustafa godet AAK’në, NISMA’n dhe VV’në: Janë popullistë banalë me kauza të rrejshme

E kaluara e errët e Vuçiqit, të cilën ia përmendi sot Haradinaj (Video)

E kaluara e errët e Vuçiqit, të cilën ia përmendi sot Haradinaj (Video)

Finalizohet marrëveshja Kosovë – Zvicër në fushën e pensioneve

Finalizohet marrëveshja Kosovë – Zvicër në fushën e pensioneve

Krasniqi flet për shqiptarët dhe pashallarët

Krasniqi flet për shqiptarët dhe pashallarët

Ndërtimtarët të lodhur nga procedurat për leje (VIDEO)

Ndërtimtarët të lodhur nga procedurat për leje (VIDEO)

23-vjeçari shqiptar kapet me drogë,…

23-vjeçari shqiptar kapet me drogë,…

57-vjeçari i jep fund jetës, ka lënë amanet për familjet

57-vjeçari i jep fund jetës, ka lënë amanet për familjet

Mediat serbe: Edi Rama dhe Tony Blair e blenë lirinë e Ramush Haradinajt

Mediat serbe: Edi Rama dhe Tony Blair e blenë lirinë e Ramush Haradinajt

Qosja akuzon Bashën dhe zyrtarët e LDK’së se furnizuan Dick Martyn me të dhëna imagjinare për krimet e UÇK’së

Qosja akuzon Bashën dhe zyrtarët e LDK’së se furnizuan Dick Martyn me të dhëna imagjinare për krimet e UÇK’së

Ja si u larguan deputetët e Lëvizjes Besa nga Kuvendi (VIDEO)

Ja si u larguan deputetët e Lëvizjes Besa nga Kuvendi (VIDEO)