Guvernatori i BQK-së emëron veten në krye të panelit vlerësues për auditorin e brendshëm

14.03.2020 20:11
Rreshtat+- AShkronjat+- Printo
Guvernatori i BQK-së emëron veten në krye të panelit vlerësues për auditorin e brendshëm

Më 19 shkurt pozita e Shefit të Auditimit të Brendshëm në Bankën Qendrore të Kosovës mbeti bosh.

Vetëm një ditë më parë, Bezad Halilaj, ishte njoftuar se i ka skaduar kontrata.

BQK-ja ka thënë se ligji nuk i kërkon t’i njoftojë punonjësit për mosvazhdim të kontratës në rast të skadimit të saj, edhe pse i njëjti ka të drejtë të ushtrojë këtë detyrë edhe për një mandat tjetër.

Kjo ka shkaktuar pakënaqësi edhe te Halilaj, i cili kishte aplikuar sërish për pozitën e tij të mëparshme, por që nuk ishte zgjedhur.

“Kam qenë kandidati me më së shumti përvojë në auditim në institucionet më të larta shtetërore (Zyre Kombëtare të Auditimit dhe BQK, rreth 16 vjet), dhe me më se shumti përvojë në menaxhim të auditimit (rreth 11 vjet). Kam dëshmuar së paku dy lloj certifikimesh në fushën e auditimit dhe kam ofruar dëshmi të kualifikimeve akademike në master. Bazuar në këto fakte, konsideroj se më është mohuar e drejta për t’u rizgjedhur përsëri, por të drejtën time do ta ndjek përmes rrugëve ligjore”, ka thënë ai.

Ndërkaq, burimet e KOHËS bëjnë me dije që mosvazhdimi i mandatit edhe për gjashtë vjet të tjerë të Halilajt erdhi për shkak të raportit të auditimit të brendshëm që gjeti parregullsi në rekrutimin e stafit të BQK-së.

Por, këtë e ka mohuar Banka Qendrore.

“Asgjë nuk ka të bëjë me punën e tij në Auditimin e Brendshëm, mirëpo thjesht i ka skaduar mandati 6-vjeçar i përcaktuar me Ligjin për BQK-në”, thuhet në përgjigjen e zyrës për media të këtij institucioni.

Por, menjëherë pozita më 20 shkurt u plotësua me një vendim të bordit të BQK-së.

Sipas informacioneve që posedon KOHA, procesi i përzgjedhjes së shefit të Auditorit të Brendshëm, është përcjellë me parregullsi që nga koha e hapjes së konkursit.

Kjo pasi në këtë proces është përfshirë edhe guvernatori i Bankës Qendrore e është anashkaluar Komiteti i Auditimit.

KOHA merr vesh që guvernatori ka emëruar veten edhe kryesues të panelit vlerësues për përzgjedhjen e kandidatëve.

Lidhur me procesin, BQK-ja nuk ka dhënë detaje vetëm ka sqaruar kriteret dhe se përzgjedhja e shefit të Auditorit të Brendshëm ka shkuar sipas ligjit.

“Nuk ka pasur asnjë anashkalim të kritereve të përcaktuara me Ligjin për BQK-në dhe kandidati i përzgjedhur i ka plotësuar të gjitha kushtet e mësipërme, përfshirë edhe kërkesat e nenit 40 të Ligjit për Bankën Qendrore të Republikës së Kosovës. Emërimi i Shefit të Auditimit të Brendshëm është bërë në pajtueshmëri të plotë me nenin 60 të Ligjit të BQK-së”.

Sipas Ligjit të BQK-së, shefi i Auditimit të Brendshëm emërohet nga Guvernatori i Bankës, pas miratimit të Bordit të BQK-së.

Në këtë rast, Fehmi Mehmeti ka qenë edhe pjesëmarrës në mbledhjen e këtij bordi.

Shefi i Auditimit të Brendshëm të BQK-së, sipas ligjit për këtë institucion auditon edhe pozitën e guvernatorit e ka mandat gjashtëvjeçar me mundësi edhe të një mandati tjetër.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Miratohet në lexim të parë Projektligji për buxhetin 2020

Miratohet në lexim të parë Projektligji për buxhetin 2020

Guvernatori i BQK-së emëron veten në krye të panelit vlerësues për auditorin e brendshëm

Guvernatori i BQK-së emëron veten në krye të panelit vlerësues për auditorin e brendshëm

Don Lush Gjergjin, del negativ në test për koronavirus

Don Lush Gjergjin, del negativ në test për koronavirus

Anulimi i fluturimeve në Aeroportin e Prishtinës ka prekur mbi 7.000 persona – tollovi nëpër pika kufitare

Anulimi i fluturimeve në Aeroportin e Prishtinës ka prekur mbi 7.000 persona – tollovi nëpër pika kufitare

Presidenti Thaçi shtyn zgjedhjet në Podujevë

Presidenti Thaçi shtyn zgjedhjet në Podujevë

Miratohet mocioni i pozitës, buxheti shqyrtohet me procedurë të përshpejtuar

Miratohet mocioni i pozitës, buxheti shqyrtohet me procedurë të përshpejtuar

Shefat e Grupeve Parlamentare kërkojnë 30 minuta pauzë, kryetarja Osmani e aprovon

Shefat e Grupeve Parlamentare kërkojnë 30 minuta pauzë, kryetarja Osmani e aprovon

Tërnava: Kemi pezulluar mësimin fetar, Xhumanë faleni nëpër shtëpia

Tërnava: Kemi pezulluar mësimin fetar, Xhumanë faleni nëpër shtëpia

Koronavirusi, deputetët para futjes në seancë iu nënshtrohen kontrollave

Koronavirusi, deputetët para futjes në seancë iu nënshtrohen kontrollave

Në Podujevë dyshohet për një rast me koronavirus

Në Podujevë dyshohet për një rast me koronavirus

Kadriaj: Kemi shumë ankesa, s’ka pajisje preventive për qytetarët dhe Policinë e Kosovës

Kadriaj: Kemi shumë ankesa, s’ka pajisje preventive për qytetarët dhe Policinë e Kosovës

Zëvendëskryeministri i parë: Ne asnjë here me teritorin e Kosovës nuk bëjmë kompromise dhe as tregti

Zëvendëskryeministri i parë: Ne asnjë here me teritorin e Kosovës nuk bëjmë kompromise dhe as tregti

Ish-diplomatit amerikan, Byrnes: Thaçi e Vuçiq kanë përgatiur një marrëveshje të keqe për Kosovën

Ish-diplomatit amerikan, Byrnes: Thaçi e Vuçiq kanë përgatiur një marrëveshje të keqe për Kosovën

Ekskluzive: Paratë që do të dalin në tregun e Kosovës do të dezinfektohen

Ekskluzive: Paratë që do të dalin në tregun e Kosovës do të dezinfektohen

Vitia: Edhe një  familjar i 77 vjeçarit nga Vitia është diagnostifikuar me Korona virus

Vitia: Edhe një familjar i 77 vjeçarit nga Vitia është diagnostifikuar me Korona virus

OBSh: Gjejini, izolojini, testojini dhe trajtojini të gjitha rastet për ta thyer zinxhirin e Korona virusit

OBSh: Gjejini, izolojini, testojini dhe trajtojini të gjitha rastet për ta thyer zinxhirin e Korona virusit