Chelsea ka marrë një fitore të vlefshme në ndeshjen e parë në udhëtim te Malmo.

Skuadra londineze ka shënuar fitore me rezultat të ngushtë 2-1.

Pasi kaluan 30 minuta lojë, ishte mesfushori anglez Ross Barkley që kaloi Chelsean në epërsi.

Barkley u shërbye mirë në zonë nga Pedro dhe me lehtësi shënoi për 0-1.

Me epërsinë minimale të londinezëve përfunduan 45 minutat e para të kësaj sfide.

Edhe pjesa e dytë nisi më mirë për Chelsean të cilët arritën të shënonin edhe njëherë.

Willian depërtoi bukur në zonë dhe asistoi për Olivier Giroud i cili shënoi për 2-0 nga afërsia.

Ndërkohë 10 minuta para fundit të ndeshjes vendasit arritën ta ngushtonin epërsinë nëpërmjet mesfushorit Christiansen i cili u asistua nga Rosenberg.

Deri në fund vendasit kërkuan edhe golin e barazimit, por një gjëje të tillë nuk ia arritën.

Chelsea me këtë fitore bënë një hap të madh drejt kalimit në raundin tjetër të Ligës së Evropës.

Ndeshja e kthimit mes Chelseat dhe Malmos zhvillohet pas një jave në Stamford Bridge. /Telegrafi/