Spanja i është gëzuar fitores së parë në Kampionatin e sivjetmë Botëror duke fituar ndaj Iranit (1-0) në ndeshjen e xhiros së dytë në kuadër të Grupit B.
Gjysma e parë e takimit nuk dhuroi shumë raste shënimi dhe kur skuadrat shkuan në pushim, rezultati ishte ai i fillimit të ndeshjes (0-0).
Në fillim të pjesës së dytë, të dyja skuadrat e patën nga një shans, mirëpo më pas La Roja e zhbllokoi rezultatin.
Diego Costa pranoi një top në zonë, u rrotullua dhe goditja e tij u ndal në rrjetë (54′).
Në minutën e 63-të, futbollistët e Iranit ia dolën që ta fusnin topin në rrjetë, mirëpo me ndihmën e sistemit VAR, goli u anulua për pozitë jashtë loje.
Iranianët e festuan golin që më pas u anulua (Foto: Getty Images)
Të dyja skuadrat në vazhdim të ndeshjes u përpoqën që të shënonin, spanjollët për ta vulosur fitoren, kurse iranianët e kërkonin barazimin. Megjithatë, deri në fishkëllimën e fundit të gjyqtarit nuk u shënua gol tjetër.
Irani ka tri pikë dhe do ta kërkojë kualifikimin ndaj Portugalisë në xhiron e fundit të fazës grupore. Iranianët duhet t’i mposhtin portugezët për t’u kualifikuar në fazën e eliminimit direkt. /Telegrafi/
GOAL FOR #ESP!!
They finally find a way through thanks to Diego Costa! #WorldCup pic.twitter.com/Vb3S76WJht
— FootyMatrix ⚽ (@Footy_Matrix) June 20, 2018
