Familja katër anëtarëshe ndërron gjininë (Foto)

E publikuar: 18/12/2017 15:52
Rreshtat+- AShkronjat+- Printo

Familja katër anëtarëshe nga Arizona e SHBA-ve janë deklaruar si transgjinor – babai, nëna, djali dhe vajza e tyre.

Daniel Herot (41), babai biologjik i dy fëmijëve transgjinor, ka lindur si femër, kurse tani është mashkull, transmeton Telegrafi.

Vajza dhe djali gjithashtu pretendojnë se në lindje “kishin gabuar” sa i përket gjinisë së tyre. Ndërkaq nëna e tyre Shirley Austin (62) është e lindur si mashkull, kurse tani është femër.

“E gjithë familja është në fazën e tranzicionit. Është sikur kur lindni për herë të dytë, sikur kur përjetoni gjithçka për herë të parë. Edhe fëmijët e mi janë duke u bërë atë çfarë gjithmonë kanë dashur të bëhen”, ka deklaruar Daniel.

I biri i tyre, 11-vjeçari Maison ka lindur si vajzë, ndërsa tani është transgjinor. Ndërkaq vajza Joshua i ka 13 vjet, por edhe pse ka lindur si djalë, tani vishet dhe sillet si vajzë.

“Isha 6 apo 7 vjeçare kur fillova ta kuptojë se jam në trupin e gabuar”, ka deklaruar Joshua.

Ndërkaq, Daniel Herot thotë se pjesën më të madhe të jetë ka jetuar si femër, por asnjëherë nuk ishte ndjerë mirë në këtë gjini. Është martuar për një mashkull, ka lindur dy fëmijë dhe sërish nuk është ndjerë mirë. /Telegrafi/