Edi Rama nis “betejën” ligjore ndaj Haradinajt për akuzat rreth shkëmbimit të territoreve ndërmjet Kosovës dhe Serbisë

15.01.2020 21:48
Rreshtat+- AShkronjat+- Printo
Edi Rama nis “betejën” ligjore ndaj Haradinajt për akuzat rreth shkëmbimit të territoreve ndërmjet Kosovës dhe Serbisë

Nga takimet zyrtare në Prishtinë, apo në Tiranë, Edi Rama dhe Ramush Haradinaj, një të tillë, pritet ta realizojnë në një ambient krejtësisht ndryshe prej herëve të tjera.Kjo pasi që kryeministri i Shqipërisë, Edi Rama edhe zyrtarisht ka nisur rrugën ligjore ndaj kryeministrit në detyrë të Kosovës, Ramush Haradinaj.

Kreu i ekzekutivit shqiptar, ka ushtruar padi ndaj homologut të tij nga Kosova, Ramush Haradinaj.Padia e Ramës, të cilën e ka siguruar ekskluzivisht “Betimi për Drejtësi”, të mërkurën, është dorëzuar në Gjykatën Themelore në Prishtinë.

Me pretendimet se Haradinaj ka shpifur me deklarimet e tij ndaj kryeministrit shqiptar, Edi Rama kërkon kompensim të dëmit.Padia e Edi Ramës, e cila përmban mbi 30 faqe, pretendon se Haradinaj ka shpifur ndaj Ramës, për deklaratat e tij që i ka dhënë në lidhje me temën e shkëmbimit të territoreve.

Në këtë padi, përmenden disa emisione të transmetuara gjatë muajit tetor të vitit të kaluar, në të cilat Haradinaj ka folur për këtë temë, e ku e ka akuzuar Ramën, që së bashku me Hashim Thaçin dhe Aleksandër Vuciqin, kanë nisur idenë e shkëmbimit të territoreve ndërmjet Kosovës dhe Serbisë.

“Në datën 17.10.2019 e 29.10.2019, i Padituri Ramush Haradinaj, në kohën e kryerjes së deklaratës Kryeministër në detyrë i Republikës së Kosovës (më poshtë referuar edhe si “i Padituri”gjatë një interviste të dhënë gazetarit Artur Zheji e të publikuar në emisionin 360.gradë në datën 17.10.2019 si dhe gjatë intervistës së kryer në datën 29.10.2019 në emisionin televiziv Pressing/Zona Pressing të publikuar në televizionin “T7” të Republikës së Kosovës, ka kryer deklarim publik të fakteve shpifëse e mashtruese në adresë të Paditësit me pasojë cenimin e nderit, personalitetit, reputacionit dhe dinjitetit të Paditësit me pasojat e parashikuara në legjislacionin e zbatueshëm”, thuhet në padi.

Në padi thuhet se deklaratat shpifëse shkak padie kanë pasur për kontekst përgatitjet për procesin e dialogut mes Republikës së Kosovës dhe Republikës së Serbisë e që, në parim, sic thuhet në padi, do të duhet të rezultojë në një marrëveshje reciprokisht të detyrueshme për të dyja palët dhe njohje reciproke në mes këtyre dy shteteve.

“Kjo çështje ka dominuar debatin publik që nga fundi i vitit 2018 dhe përgjatë vitit 2019, duke rezultuar në akuza deri për “tradhëti”, çdo herë e përkundrejt personave të pretenduar se gjatë këtij procesi dialogu kanë mbështetur idenë e të ashtuquajturit “shkëmbim të territoreve në mes Kosovës dhe Serbisë””, thuhet tutje në këtë padi, të cilën e ka siguruar “Betimi për Drejtësi”.

Sipas padisë, kryeministri i Kosovës, është autori e përhapësi në publik i akuzave për fakte konkrete të cilat në mënyrë të përsëritur e në mënyrë direkte e indirekte, kanë krijuar në publik idenë e rreme sipas së cilës “Kryeministri i Republikës së Shqipërisë në personin e Paditësit është në shërbim të një ideje në dëm të interesit të kombit shqiptar në përgjithësi dhe të interesit të Republikës së Kosovës në veçanti”.Aty përmenden një numër i madh të deklaratave që Haradinaj vazhdimisht i ka dhënë, e në të cilat e ka apostrofuar kryeministrin shqiptar, Edi Rama.

Pjesë e këtyre deklaratave është edhe ajo ku Haradinaj, sipas padisë, i referohet edhe aferave korruptive, për ta jetësuar idenë e shkëmbimit të territoreve.

Në padi thuhet se ky qëndrim në vazhdimësi i Haradinajt është mbajtur përkundër fakteve që sipas padisë, Rama asnjëherë nuk ka diskutuar për tema të tilla.“Kryeministri i Republikës së Shqipërisë nuk asnjë rol formal e juridiko-politik në marrëveshjen eventuale në mes Republikës së Kosovës dhe Serbisë. E kjo për faktin se kjo lloj marrëveshje bazuar në Kushtetutën e Republikës së Kosovës, përbën një akt që mund të miratohet vetëm dhe ekskluzivisht nga Kuvendi i Republikës së Kosovës e, për më tepër, kërkon ekskluzivisht miratimin e 2/3 të të gjithë deputetëve të Kuvendit të Kosovës[1], dhe rrjedhimisht 80 vota pro, përfshirë deputetët e koalicionit qeverisës dhe të opozitës, në secilën rrethanë. Kryeministri i Republikës së Shqipërisë asnjëherë nuk ka mbështetur dhe nuk është deklaruar në mbështetje të një ideje të tillë. Qëndrimi i Paditësit në Qeverisë së Republikës së Shqipërisë ka qenë një dhe i vetëm: ai i mbështetjes së pozicionit të qëndrimeve të Republikës së Kosovës drejt një marrëveshje ndërkombëtarisht të detyrueshme për Republikën e Kosovës dhe Serbisë dhe e cila do të rezultonte në njohje reciproke në mes dy vendeve dhe do të hapte rrugëtimin efektiv drejt integrimeve euro-atlantike”, thuhet ndër të tjerash në këtë padi.

Në këtë padi, Rama nuk e ka cekur shumën e dëmit që pretendon se i është shkaktuar.Por, me padi, ai ka kërkuar që përveç kompensimit të dëmit, të detyrohet Haradinaj që t’i dal deklaratat që sipas padisë, janë shpifje, si dhe t’i përgënjeshtroje ato.

Ndryshe, kryeministri në detyrë i Kosovës, Ramush Haradinaj, vazhdimisht ka akuzuar presidentin e Kosovës, Hashim Thaçi, atë të Serbisë, Aleksandër Vuciq dhe kryeministrit e Shqipërisë, Edi Rama, si liderët që e kanë nisur idenë dhe kanë punuar në drejtim të realizimit të shkëmbimit të territorit ndërmjet Kosovës dhe Serbisë.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Metodologjia e re e BE-së nga perspektiva integruese e Maqedonisë së V.

Metodologjia e re e BE-së nga perspektiva integruese e Maqedonisë së V.

Për tri vjet KEK-u investoi 1 milion euro për komunitetin

Për tri vjet KEK-u investoi 1 milion euro për komunitetin

Serbët Grenellit për Thaçin: Kujdes nga gjarpri, binde të vijë në Beograd pas marrëveshjes

Serbët Grenellit për Thaçin: Kujdes nga gjarpri, binde të vijë në Beograd pas marrëveshjes

Lufthansa synon të hap korridorin ajror Prishtinë – Beograd

Lufthansa synon të hap korridorin ajror Prishtinë – Beograd

Grenell: Trumpit i takon merita për marrëveshjen për fluturimet Kosovë-Serbi

Grenell: Trumpit i takon merita për marrëveshjen për fluturimet Kosovë-Serbi

Haxhiu: Për të jetësuar vullnetin e qytetarëve ne kemi bërë shumë kompromise, radha e LDK’së

Haxhiu: Për të jetësuar vullnetin e qytetarëve ne kemi bërë shumë kompromise, radha e LDK’së

LDK të martën mbledh Kryesinë, pas nominimit të Kurtit si mandatar për formimin e Qeverisë

LDK të martën mbledh Kryesinë, pas nominimit të Kurtit si mandatar për formimin e Qeverisë

27.9 milionë euro u peshojnë “fajdet” e qytetarëve në Monego dhe Iute Credit

27.9 milionë euro u peshojnë “fajdet” e qytetarëve në Monego dhe Iute Credit

Thaçi: Propozoj si mandatar për të formuar Qeverinë, Albin Kurtin

Thaçi: Propozoj si mandatar për të formuar Qeverinë, Albin Kurtin

Krasniqi, akuzon rëndë Albin Kurtin

Krasniqi, akuzon rëndë Albin Kurtin

Presidenti Thaçi përshëndet hapjen e linjës ajrore Prishtinë-Beograd

Presidenti Thaçi përshëndet hapjen e linjës ajrore Prishtinë-Beograd

Mimoza Kusari për Infosot, e bënë të ditur se kush e bllokoi lidhjen e koalicionit ndërmjet LVV’së dhe LDK’së

Mimoza Kusari për Infosot, e bënë të ditur se kush e bllokoi lidhjen e koalicionit ndërmjet LVV’së dhe LDK’së

20 punëtorë të KEK-ut kanë vdekur nga sëmundjet e kancerit në vitin 2019

20 punëtorë të KEK-ut kanë vdekur nga sëmundjet e kancerit në vitin 2019

Tërheqje të njohjeve kanë rritur zemërimin në Prishtinë dhe ambiciet në Beograd, diplomacia e ryshfetit

Tërheqje të njohjeve kanë rritur zemërimin në Prishtinë dhe ambiciet në Beograd, diplomacia e ryshfetit

Pa marrëveshje me LDK’në, VV-ja propozon Albin Kurtin mandatar për kryeministër

Pa marrëveshje me LDK’në, VV-ja propozon Albin Kurtin mandatar për kryeministër

Arrestohen dy të dyshuarit në Fushë-Kosovë, u  përleshen fizikisht

Arrestohen dy të dyshuarit në Fushë-Kosovë, u përleshen fizikisht