Burgjet e vdekjes dhe shteti që s’ka besë

06.11.2016 22:46
Rreshtat+- AShkronjat+- Printo
Burgjet e vdekjes dhe shteti që s’ka besë

Agron Halitaj

Khatuna është një femër gjeorgjiane. Emri i saj u bë i njohur në skenën ndërkombëtare, pas një veprimi që e ndërmori sa ishte në pozitën e ministres së Drejtësisë së këtij vendi. Ajo dha dorëheqje vetëm pak orë pasi u publikua një video në të cilën shiheshin të burgosurit duke u keqtrajtuar nga gardianët. Khatuna e la Qeverinë, jo pse iu kërkua, por e bëri këtë në shenjë të aktit moral që nuk kishte arritur ta mënjanonte torturimin e të burgosurve.

Ajo tash është një ish-ministre, siç do duhej të ishte nga pasditja e 5 nëntorit edhe ministrja jonë e Drejtësisë, Dhurata Hoxha. Ngjarja që ndodhi në Qendrën e paraburgimit në Prizren, është më e rënd se sjelljet e gardianeve gjeorgjian ndaj të burgosurve. Me 5 nëntor, u privua nga jeta Astrit Dehari, një i ri, student e aktivist politik. U privua nga jeta, sepse edhe sikur të merren të mirëqena deklarimet mbi vetëvrasjen e tij, prapë dikush është përgjegjës që sot ai nuk është në jetë.

Ministrja e Drejtësisë padyshim se nuk është përgjegjëse e drejtpërdrejtë për vdekjen e Astritit, por ajo është përgjegjëse për mosfunksionimin e sistemit të drejtësisë, një sistem të cilin e ka trashëguar në gjendje të tmerrshme, e brenda të cilit janë të përfshirë edhe burgjet e qendrat e paraburgimit. S’duhet harruar se Astriti nuk është rasti i parë që ndërron jetë brenda burgjeve.

Hoxha, nuk do duhej të priste t’i bëheshin thirrje për dorëheqje, por para se ta merrte këtë akt do duhej të merrte masa ndaj drejtorit të Shërbimit Korrektues, e ky para se ta priste ndonjë vendim nga ministrja, veç do duhej ta kishte vënë para përgjegjësisë drejtorin e Qendrës së paraburgimit në Prizren. Pra, sot ne do duhej të kishim së paku një dorëheqje e dy masa ndëshkimore. Por, meqë asnjëra nga këto nuk kanë ndodhur, atëherë edhe zbardhja e mënyrës së vdekjes së Astritit do të jetë e komplikuar.

Organizatat e pavarura qëmoti kanë raportuar se në Kosovë mungon infrastruktura humane dhe profesionale për trajtimin e të burgosurve dhe për pasojë kemi shumë raste kur të burgosurit janë trajtuar nën dinjitetin njerëzor, e ku pos tjerash ndaj tyre është ushtruar edhe presioni psikik. Nisur nga kjo, edhe njohësit e çështjeve të drejtësisë që nuk kanë ngarkesa politike, por që s’ munden të qëndrojnë indiferentë ndaj këtij rasti, me të drejtë kërkojnë hetime të pavarura nga ekspertë të jashtëm. Një trup i tillë hetimor do të duhej aktivizuar sa më parë, për faktin sesa më shumë kohë që kalon, gjurmët që çojnë në zbardhjen e plotë të vdekjes mund të zhduken.

Tash për tash, ka mjaftë hapësirë për dilema e dyshime. Me të drejtë secili nga ne mund të pyes: si ju dhanë Astritit medikamentet? Me rekomandimin e kujt? Pse iu lejua gjithë ajo sasi? Kush e kishte nën kontroll, e mbi të gjitha pse vdekja u shpallë si “vetëvrasje” ende pa e dhënë fjalën mjekësia ligjore?

Të vërtetën mbi mënyrën e vdekjes së Astrit duhet ta kërkojmë të gjithë, pavarësisht se këtë nuk e ka kërkuar ende presidenti i shtetit, Hashim Thaçi, ai që vetëm para pak javësh ia dërgoi katër letra kryeprokurorit të Shtetit, Aleksandër Lumezi, me kërkesat që të angazhohet në zbardhjen e vrasjeve që kanë ndodhur gjatë dhe pasluftës në Kosovë.

S’ka dyshim që ne si qytetarë duam që të zbardhet e vërteta për gjithë ato vrasje politike që kanë mbetur mister për vite të tëra. Por, presidenti duhet ta ketë të qartë se edhe vdekja e Astritit është politike. Ai u fut në burg si aktivist politik dhe nga aty u nxor pa shenja jete. Presidenti, nuk mund të hesht në këtë situatë, sepse kështu jo vetëm që nuk e kryen obligimin kushtetues për garantim të funksionalitetit të institucioneve, por i rrezikon ato.

Burgjet duhet të shfrytëzohen për vuajtje dënimesh, e jo për vdekje.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Edi Rama ka nevojë për ultimatum nga Brukseli, jo legjitimim

Edi Rama ka nevojë për ultimatum nga Brukseli, jo legjitimim

Si duhet përfaqësuar Kosova në dialog me Serbinë?

Si duhet përfaqësuar Kosova në dialog me Serbinë?

Shansi i përbashkët i anëtarësimit të shteteve të Ballkanit Perëndimor në BE

Shansi i përbashkët i anëtarësimit të shteteve të Ballkanit Perëndimor në BE

Lotët e krokodilit për 6 gylenistët e deportuar në Turqi dhe kujtimet për shqiptarët e ekstraduar në Maqedoni! Shpërqendrim i vëmendjes!

Lotët e krokodilit për 6 gylenistët e deportuar në Turqi dhe kujtimet për shqiptarët e ekstraduar në Maqedoni! Shpërqendrim i vëmendjes!

Operacioni kundër FETO-s në Kosovë

Operacioni kundër FETO-s në Kosovë

Puçi i Erdoganit kundër Haradinajt, më i dokumentuar se ai i Gulenit kundër Erdoganit

Puçi i Erdoganit kundër Haradinajt, më i dokumentuar se ai i Gulenit kundër Erdoganit

”Drogë nga fëmijë – për fëmijët”

”Drogë nga fëmijë – për fëmijët”

Deputetët që votojnë asociacionin, tradhtojnë vendin e kombin

Deputetët që votojnë asociacionin, tradhtojnë vendin e kombin

BE-ja penalizon qytetarët për mëkatet e klasës politike!

BE-ja penalizon qytetarët për mëkatet e klasës politike!

Ismaili thotë se edhe Vetëvendosje e dinte se beteja për demarkacionin ishte e humbur

Ismaili thotë se edhe Vetëvendosje e dinte se beteja për demarkacionin ishte e humbur

Mos i rreni qytetarët, se keni përnime

Mos i rreni qytetarët, se keni përnime

Sa është “cilësor” niveli i arsimit në Kosovë?!

Sa është “cilësor” niveli i arsimit në Kosovë?!

Kremtimi i Ditës së Pavarësisë së Kosovës, 17 shkurti, kaloi, por dekoratat, që, zakonisht, kurdo e kudo, jepen brenda një dite, vazhdojnë të jepen!

Kremtimi i Ditës së Pavarësisë së Kosovës, 17 shkurti, kaloi, por dekoratat, që, zakonisht, kurdo e kudo, jepen brenda një dite, vazhdojnë të jepen!

Kosova, vendi im që nuk falet!

Kosova, vendi im që nuk falet!

Shkruan Berat Buzhala, I dimë të gjitha: Votojeni demarkacionin

Shkruan Berat Buzhala, I dimë të gjitha: Votojeni demarkacionin

Jubileu i Parë i Shtetit të Kosovës

Jubileu i Parë i Shtetit të Kosovës