Ish kryeministri italian Silvio Berluskoni i tha një gazetareje të BBC se shtrëngimi i saj i dorës ishte aq i fortë sa “askush nuk do të martohet me të”.

Sipas mediave të huaja, përcjell Telegrafi, vërejtja ishte kapur nga kamera pasi gazetarja Sofia Bettiza shkoi për t’i thënë lamtumirë pas një interviste.

Videoja, e postuar në faqen e internetit të BBC News, tregon 81-vjeçarin duke i thënë asaj: “Mos e shtrëngoni dorën kështu”.

Ai pastaj e paralajmëron atë që “të jetë i kujdesshme”, duke iu referuar asaj që është e pamartuar.

E gjitha kishte filluar kur gazetarja Bettiza i kishte thënë në italisht: “Faleminderit, lamtumirë”, ndërsa ajo i tund dorën pas një interviste.

Berlusconi pastaj është kthyer kah ajo dhe i thotë: “Mos e shtrëngoni dorën kështu, është shumë e fortë”.

Ajo e pyet: “A ishte shumë e fortë?”

Berlusconi vazhdoi: “Përndryshe burrat do të mendojnë se do të më rrahësh, kështu nuk do të martohen me ju. A jeni e martuar? E shihni? Bëj kujdes”.

Bettiza pastaj ia kthen: “Por unë mendova se ishte një gjë e mirë që të kesh një shtrëngim duarsh të fortë?” /Telegrafi/