Aprovohet terapia revolucionare në luftën kundër kancerit

E publikuar: 20/10/2017 04:10
Rreshtat+- AShkronjat+- Printo

Autoritetet përgjegjëse kanë miratuar trajtimin revolucionar, i cili mund të rikonfigurojë limfocitet, qelizat imune të pacientit, duke i transformuar ato në vrasës të kancerit. 

Terapia e zhvilluar nga Instituti Kombëtar i Kancerit së bashku me Kite Pharma, mund të aplikohet tek të rriturit me neoplazmë malinje të indeve limfatike. 

Vetëm në Shtetet e Bashkuara do të ketë 3500 pacientë që çdo vit nuk mund të shërohen nga kjo sëmundje nëpërmjet kimioterapisë.

Trajtimi, i quajtur Yescarta, është terapia e dytë e gjeneve, e autorizuar nga autoriteti farmaceutik i SHBA pas Kymriah (që i përket Novartis). 

Nëse kjo terapi kushton rreth 475.000 dollarë (por Novartis ka premtuar se do të jetë falas për pacientët që nuk përmirësohen pas një muaji), trajtimi i ri që modifikon limfocitet për të luftuar kancerin ka një kosto më të ulët rreth 370.000 dollarë.