Liderët e opozitës janë takuar me të rinjtë e partive të tyre për të kundërshtuar marrëveshjet e Asociacionit dhe Demarkacionit.
Ata tubimin e kanë filluar me një video ku janë të përmbledhura premtimet e kryeministrit Isa Mustafa dhe zëvendësit të tij Hashim Thaçi, për krijimin e mijërave vende të punës, premtime këto gjatë fushatës zgjedhore.
Gjithashtu u lëshuan edhe video të të njëjtëve ku thonë se marrëveshja për Asociacionin është me përputhje me Kushtetutën e Kosovës.
Gjithashtu u lëshuan edhe video të Thaçit dhe ministrit të Punës, Arban Abrashi ku thonë se jemi afër anëtarësimit në UNESCO.
Opozita, po ashtu rikujtoi edhe premtimet e Thaçit për liberalizim të vizave.
Ata përmenden edhe deklaratat e ministres, Edita Tahiri për heqjen e barrikadës mbi lumin Ibër
Pjese e kësaj video janë edhe premtimet për transformimin e Forcës së Sigurisë së Kosovës në Forca të Armatosura të Kosovës.
Kryetari i Nismës Fatmir Limaj, tha se është dëshmuar se është shkelur Kushtetuta dhe Qeveria duhet të japë dorëheqje.
“Opozita kishte të drejtë në kauzën e saj. Kërkesa kryesore Kosova nuk mund të qeveriset nga ata që e kanë shkel Kushtetutën e vendit. Andaj duhet të japin dorëheqje. Ne jemi sot këtu dhe do të jemi më 9 janar për të kërkuar llogari, e llogaria është dorëheqja”, tha ai.
