Lideri i Lëvizjes Vetëvendosje, Visar Ymeri, ka thënë se në negociatat mes Prishtinës dhe Beogradit në Bruksel trajtohen njëjtë si viktima ashtu edhe kryerësit e krimeve të luftës. Sipas tij, viktima në këtë rast është Kosova, kurse Serbia është agresori.
Ai njëherit kritikoi institucionet që po bëjnë pak viktimat e dhunës seksuale të luftës në Kosovë, njofton Klan Kosova.
Ymeri shtoi se në bisedimet në Bruksel Kosova duhet t`ia përmend Serbisë, krimet që i kanë bërë në Kosovë dhe që të kërkojnë falje viktimave sidomos atyre të përdhunimit.
Këto komente ai bëri në tubimin e organizuar nga Vetëvendosje rreth moszbatimit të ligjit për viktimat e dhunës seksuale gjatë luftës.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
