Kreu i Lëvizjes Vetëvendosje, Visar Ymeri, ka shprehur ngushëllime për vdekjen e gjermanes Iris Von Der Ehe, që ishte në koma që nga protesta e 22 tetorit të vitit 2012, e organizuar nga Lëvizja Vetëvendosje.
Ymeri ka thënë se ajo u alivanos nga dhuna e brutaliteti policor kundër qytetarëve pjesëmarrës në atë protestë.
“Shpreh në emër të Lëvizjes keqardhjen tonë për lajmin e shuarjes së Irisit, e cila ishte në gjendje të komës në klinikat gjermane, shkaktuar nga dhuna dhe brutaliteti policor kundër qytetarëve pjesëmarrës në protestën e 22 tetorit 2013. I shprehim ngushëllimet tona të përzemërta familjes së Iris Von Der Ehe, bashkëshortit të saj Arben Krasniqit dhe dy fëmijëve të tyre.
Iris, nuk do të harrohesh”, ka shkruar Ymeri në Facebook.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
