Wenger nuk beson në titull kampioni

E publikuar: 21/03/2015 20:10
Rreshtat+- AShkronjat+- Printo

Pavarësisht se u afrua në katër pikë te lideri i Premier Ligës, trajneri i Arsenalit, Arsene Wenger, beson se skuadra e tij nuk është në garë për titull kampioni.

“Topçinjtë” fituan 2 me 1 ndaj Newcastlet duke u afruar te top-dyshja edhe më shumë, por sipas Wengerit, Chelsea që ka dy ndeshje më pak të zhvilluara është shumë i sigurt në pozitën e parë.

“Chelsea është shumë i sigurt dhe i qetë. Momentalisht mendoj se ata mund të jenë mjaft komod, duhet të luftojmë dhe të sigurojmë pikët. Do të provojmë dhe të fitojmë ndeshjen e ardhshme dhe pastaj tjetrën, këtë duhet bërë – por e patë se shumë lojtarë ishin të lodhur sot”, ka thënë Wenger pas ndeshjes.

“Kemi Manchester Cityn para nesh, por më e rëndësishmja është të fitojmë ndeshjet tona. Chelsea ka shumë siguri”, shtoi francezi.