Arsene Wenger beson se sfida e fundjavës përballë liderit të tabelës, Chelseat, do të jetë një mundësi për skuadrën e tij për të treguar se mund të luftojë me më të mirët sërish.
Topçinjtë bënë një paraqitje të zbehtë por fituan ndaj Reading në kohën shtesë gjatë vikendit, duke siguruar kështu biletën për në finalen e Kupës FA, garë të cilën do ta mbrojnë ndaj Aston Villas më 15 maj
Dhe, pas nëntë fitoreve radhazi dhe 19 fitoreve në 22 takime në të gjitha garat, Wenger nuk ka dyshim se skuadra e tij ka kapacitetin për të luftuar për titull sezonin e ardhshëm.
“A ka krijuar Arsenali mentalitet kampioni? Ta përfundojmë njëherë sezonin mirë. Ne kemi edhe gjashtë ndeshje, një ndeshje të madhe vikendin e ardhshëm”.
“Unë besoj se ne kemi shpirt, që inkurajohet nga rezultatet, andaj kjo është ajo çfarë duhet të prodhojmë deri në fund”, ka deklaruar francezi. /Telegrafi/
