Presidenti i Serbisë, Aleksander Vucic, ka folur edhe sot për temën e Urës së Ibrit. Ai ka thënë se tashmë ka çuar fjalë te zyrtarët amerikanë për këtë temë.
Vucic ka thënë se ka biseduar me të Ngarkuarin me Punë në Ambasadën e SHBA-së në Beograd, Aleksandar Titolu, dhe se është i sigurt se ai i ka përcjellë fjalët e tij në Washington.
“Para së gjithash, është çështje e jetës së njerëzve, mbijetesës së tyre në veri të Kosovës.Nuk e fsheha dhe jam mirënjohës ndaj Aleksandar dhe shumë zyrtarëve amerikanë me të cilët fola për këtë temë, të cilët donin të dëgjonin mendimin tonë dhe të cilët dëgjuan atë që kishim për të thënë për këtë çështje”, ka thënë Vuçiq, duke pretenduar se Kosova synon ta hapë Urën e Ibrit me datën 1 shtator.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
