Kryeministri serb Aleksandar Vuçiq deklaroi se të katër marrëveshjet – mbi Asociacionin e komunave me shumicë serbe, energjia, telekomunikacioni dhe ura mbi lumin Ibër në Mitrovicë – janë nënshkruar, duke shtuar se ato janë marrëveshje të mira që garantojnë sigurinë dhe mbijetesa e serbëve në Kosovë.
“Jemi marrë vesh për krijimin e Bashkësisë së komunave serbe. BKS do të ketë kompetenca të gjera, një president, zëvendës-president, kuvend, këshill, stemë, flamur… Ajo do të financohet nga Serbia”, deklaroi Vuçiq në një deklaratë për Radio Televizionin e Serbisë (RTS), përcjell koha.net.
Vuçiq tha se delegacioni serb kishte bërë një punë të madhe dhe se të gjitha marrëveshjet do të bëhen publike.
Ai tha se delegacioni serb ka biseduar me përfaqësuesit e BE-së gjithë ditën dhe se me delegacionin kosovar ishte takuar vetëm në fund të ditës kur janë nënshkruar marrëveshjet.
