Vëllai i Fatmir Vladit, dëshmitarit kyç në procesin gjyqësor për vrasjen e kryekomisarit Dritan Lamaj, është përjashtuar nga programi i mbrojtjes së dëshmitarëve.
Besnik Vladi në një intervistë për News24 është shprehur se ndihet i kërcënuar pasi është nxjerr nga procesi i mbrojtjes së dëshmitari.
Vëllai i tij ka qenë dëshmitari kryesor në çështjen e Arben Frrokut, për këtë çështje ai thotë se është kërcënuar.
Ai shprehet se nuk ka marrë asnjë arsye se pse shteti nuk do ta mbrojë kur realisht ndihet i kërcënuar.
Vladi është shprehur se ka pasur disa telefonata kërcënuese me mesazh: “Së shpejti do të vijë radha edhe ty ”.
“Shtetit i bëj apel që me më tregu ku të shkoj e çfarë të bëj se nuk e ndiej veten të mbrojtur, jam i kërcënuar nga të tëra anët, të marrin masa se vëllai im ka qenë pro shtetit, s’ka qenë kundra.”, shprehet Besnik Vladi.
