Anëtari i Kryesisë së Nismës, Bajram Hasani, i kundërpërgjigjur nënkryetarit të PDK-së, Adem Grabovcit, i cili në “Tribuna Channel” tha se Nisma i ka dyert e hapura në PDK.
Postimi i plotë i anëtarit të Kryesisë së Nismës, Bajram Hasani:
Votuesit e PDK-së i kanë dyert e hapura te NISMA
Njerëzit tashmë e kanë parë se sa i drejtë e nevojshëm ka qenë formimi i NISMA-së si parti politike. Roli i saj në këto dy vite në skenën politike e dëshmon këtë. Qëndrimet qarta, parimore, konsistenca në qëndrim, sinqeriteti në raport me qytetarët, besnikëria ndaj votuesve, kultura e komunikimit me partnerë e rival, qëndrimet e kundërshtimet për tema të ndryshme duke u mbështetur vetëm në argumente, të bazuar në të vërtetën e me përkushtim në interes të vendit janë vetëm disa nga vlerat që NISMA i ka promovuar prej krijimit të saj dhe që qytetarët e Kosovës po ja njohin e vlerësojnë këtë vizion politik të NISMA-së. Prandaj, kjo është arsyeja që ajo po fuqizohet për çdo ditë duke aderuar qindra qytetarë në secilën komunë të Kosovës që dikur kanë qenë votues të partive të tjera. Koha e shantazhit, e blerjes së votës dhe anëtarësimet me premtim të gjoja një vendi pune kanë përfunduar. Qytetarët më nuk mashtrohen dhe nuk mund të gënjehen. Mjaft janë gënjyer, nuk besojnë te ata që sa herë i kanë gënjyer. As kërcënimi për largim nga puna më nuk po i bën punë regjimit. NISMA mirëpret të gjithë qytetarët që ndihen të mashtruar e të gënjyer nga ata që i kanë votuar, të bashkohen me ne.
