Në Gjykatën Themelore nuk është mbajtur seanca e caktuar për sot orën 14:00, në të cilën është dashur të zhvillohej gjykimi për grushtimin e deputetëve para Kuvendit të Kosovës në vitin 2012.
Në këtë grushtim, sipas aktakuzës kishin marrë pjesë lideri i Vetëvendosjes, Visar Ymeri, deputeti Rexhep Selimi, ish-deputeti, Florin Krasniqi dhe shoferi, Besart Bujupi, të cilët, thuhet në aktakuzë e kanë sulmuar fizikisht deputetin e PDK-së, Bekim Haxhiu, të njohur si Kamishi,
Për të marrë pjesë në seancë kishin shkuar deputetët Rexhep Selimi nga VV dhe Bekim Haxhiu – kamishi nga PDK, raportojnë gazetaret e Kohës.
Lideri i VV-së Visar Ymeri, i akuzuar për këtë rast, nuk ka ardhur në seancë dhe kjo është arsye ja pse është shtyrë gjykimi.
Gjyqtari Vesel Ismajli ka thënë se s’ka arsye ligjore që të mbahet seanca për shkak të mungesës së liderit të VV-së edhe pse s’ka qenë i njoftuar edhe me shkrim dhe mungesën nuk e ka arsyetuar.
“Neve na duhet të lëshojmë urdhër për ta sjell Visarin me detyrim. Nuk e kuptoj pse po e sjellin veten në këtë situatë me i sjell këtu me detyrim kur kanë qenë të njoftuar për seancën”, ka thënë gjyqtari Ismajli.
Kështu që seanca shtyhet për në muajin prill kur Visarin duhet të sillet me detyrim në Gjykatë” ka thënë ndër të tjera gjykatësi.
© KOHA. Të gjitha të drejtat janë të rezervuara.
