Lëvizja Vetëvendosje thotë se peticionin e opozitës kundër “Zajednicës” dhe Demarkacionit me Malin e Zi, deri tani e kanë nënshkruar 41 mijë e 105 persona.
“Përkundër motit me shi dhe frekuentimit të vogël të qyteteve, aktivistet dhe aktivistët mblodhën mijëra nënshkrime edhe gjatë ditës së sotme”, thuhet në njoftimin e Vetëvendosjes.
“Qytetarët po e shprehin masivisht vullnetin e tyre kundër ‘Zajednicës’ dhe demarkacionit me Malin e Zi. Ata po tregojnë që janë shumë të vetëdijshëm për vullnetin e tyre kundër defunksionalizimit të shtetit, ani pse kryeministri po i quan ‘të padijshëm’ dhe ‘të painformuar’”, thuhet më tej në njoftim, transmeton koha.net.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
