Veseli: Asnjë gur i Trepçës nuk do të privatizohet

E publikuar: 29/01/2016 14:08
Rreshtat+- AShkronjat+- Printo

Kryeparlamentari Kadri Veseli ka thënë pas takimit që pati sot me drejtues të Bordit të Agjencisë Kosovare të Privatizimit se asnjë gur i ndërmarrjes “Trepça” nuk do të privatizohet.
Nga ana tjetër, kryesuesi i i bordit të AKP-së Petrit Gashi ka theksuar se tashmë kanë një strategji për Trepçën,

Veseli pas takimit me bordin e Agjencisë Kosovare të Privatizimit po ashtu ka thënë se AKP brenda dy javëve do t’i publikoj emrat e uzurpatoreve.

“Jemi marr vesh qe AKP të publikoj brenda dy javeve të gjith emrat e uzurpatorëve të aseteve shtetërore në web faqe. Me ketë rast i beje thirrje institucioneve të gjyqsis që të ndërmarrin hapa ndaje uzurpuesve” ka deklaruar Vesli

Ndër të tjera, Veseli ka thënë se “jemi marr vesh që të ketë me shumë transparencë në AKP, si dhe kemi biseduar për çështje tjera me interes si për Trepçën, fabrikën e Tubave etj”, ka thënë Vesli

Ndërkohë, kryesuesi i Bordit të AKP-së, Petrit Gashi ka premtuar se shumë shpjetë do të dalin me një zgjidhje për ish punëtorëve e fabrikës së tubave në Ferizaj.

“Diskutuam për shumë çështje, njëra ndër to është edhe transparenca në procesin e privatizimit si dhe shtimin e intensitetit të punës së AKP-së si privatizimi,shpërndarja e mjeteve të 20 përqindëshit. Shumë shpejtë do të dalim më një zgjidhje edhe për ish punëtorëve e fabrikës së tubave në Ferizaj, por fillimisht jemi duke e bërë një listë të prioriteteve ”, ka thënë Gashi.

TEMAT:TREPCAKADRI VESELI