Imami i xhamisë së fshatit Brainë të Podujevës, Mustafë Hajdini, është kërcënuar me mesazhe private nga disa persona, pak kohë pasi ai reagoi ndaj deklarata fyese ndaj shqiptarëve që i bëri hoxha i Prizrenit, Irfan Salihu.
Hoxha i BIK-ut, Mustafë Hajdini, ka treguar për “Zërin” se një person me emrin Besnik Ibn Sahiti e ka fyer atë, duke i thënë se është njeri i Serbisë.
“Një emër i panjohur po më shkruan pa ndërprerë, bile ai më thotë se jam njeri i Serbisë.
Këto janë mesazhet e tij: Besnik Ibn Sahiti: A je ti qeky në foto? “Po ku e ke synetin e pejgamberit o i shitur i Serbisë që po del si imam i rrum ma zi se gruaja. Turp turp turp…” Po del kundër Irfanit e Irfani është luan i minderit, turp që të ka Kosova ty”, ishte mesazhi i këtij personi.
Ndryshe, deklarata e imamit të Prizrenit, Irfan Salihu, i ka kushtuar këtë të fundit me përjashtim nga Bashkësia Islame e Kosovës.
Kjo ishte deklarata e Salihut.
“Në Kosovë gjatë vitit 1445 kanë qenë vetëm një për qind shqiptarë, kurse turqit i paskan sjellë shqiptarët në Kosovë dhe më pastaj u kanë dhënë toka atyre”, ka thënë imami i Prizrenit. /Zëri/
