Një azilante 23-vjeçare nga Eritrea ka gjetur vdekjen në një strehë refugjatësh, në Viesbaden të Gjermanisë.
Sikurse raportojnë mediat gjermane, pas vdekjes së të resë nuk ekziston skenari i ksenofobisë dhe nuk ka prova që e vërtetojnë vrasjen e saj qëllimisht nga ndonjë vendas.
Vajza jetonte në një konvikt që ishte kthyer në strehë për azilantët. Edhe pse policia gjermane ende nuk ka detaje për shkakun e vdekjes së saj, Prokuroria ka ngritur një komision të posaçëm për të hetuar vdekjen në rrethana të mistershme të vajzës 23-vjeçare.
Në konviktin 3-katësh strehohen gjithashtu edhe 260 azilantë të kombësive të ndryshme.
/ Top Channel
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
