Trajneri i Manchester Unitedit, Louis van Gaal ka thënë se Adnan Januzaj ka gabuar që është bashkuar me Dortmundin, pasi edhe atje e ka të vështirë që të luaj.
Januzaj, i cili është i huazuar për një vit te Dortmundi, ka bërë vetëm dy paraqitje për skuadrën e Thomas Tuchelit në Bundesligë, transmeton Koha.net.
“Në një ekip si Dortmundi, të gjithë lojtarët janë në një nivel të lartë. I kam thënë atij se është rrezik i madh që të shkojë atje, sepse ke konkurrencën e lojtarëve që po ashtu janë në një nivel shumë të lartë, dhe kjo nuk është lehtë. Është e njëjtë si te Unitedi. Dua që ai të luaj në shumë ndeshje, prandaj doja që ai të luante në Premier Ligë, por ai vendosi të shkojë në Dortmund. Ai është i talentuar, por duhet të mësojë shumë gjëra”, ka thënë Van Gaal, raporton Mirror.
Adnan Januzaj gjithashtu ka mbetur edhe jashtë kombëtares së Belgjikës për shkak të mos hapësirës te Dortmundi.
