Një denoncim shokues ka ardhur nga Peshkopia. Një 20 vjeçare ka denoncuar kreun e Bashkisë së Peshkopisë, Shukri Xhelili se ai i ka kërkuar marrëdhënie seksuale në kërkim të një vendi pune në administratë.
Denoncimi është bërë në televizionin Ora News në emisionin “Të paekspozuarit” të Ylli Rakipit. Vajza ka thënë se Xhelili i ka kërkuar që ta takonte në vende të ndryshme si në hotele. Ajo rrëfen se e ka takuar në zyrën e tij kur kërkonte punë.
Vajza ka filluar punë. Dhe pas disa kohësh i ka kërkuar rritje rroge, por sipas saj, kreu I bashkisë I ka lënë takim në një hotel në Tiranë ku edhe kanë shkuar bashkë. Ajo ka mohuar të ketë pasur marrëdhënie me kreun e bashkisë së Peshkopisë.
20 vjeçarja thotë gjithashtu se Xhelili ka tentuar disa herë ta prekë në zyrën e tij. Ajo e akuzon kreun e bashkisë se bën vazhdimisht të njëjtën sjellje. “Ai më ka treguar se ka pasur edhe vajza të tjera, të cilave u ka ofruar punë në këmbim të marrëdhënieve. I bëj thirrje policisë, e prokurorisë”, ka thënë 20 vjeçarja.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
