Tomë Gashi, ish këshilltari i Hashim Thaçit kur ky ishte kryeministër në mandatin e parë, ka thënë se mosthemelimi i Speciales herën e parë në Kuvend ishte lojë e shefit të PDK-së për të ngritur pazarin.
“Është ëpr chudi se si disa deputetë të PDK-së e kandë ndryshuar mendjen kinse në interes të shtetit pas një muaji. Por ka qenë vullneti i shefit të PDK-së, Hashim Thaçi që njëherë të mos e bëjë e më pas ta themelojë Gjykatën Speciale, për të rritur pazarin dhe eventualisht për ta shpëtuar vetën dhe shokët e tij nga akuzat”, ka thënë avokati Gashi në interaktiv të KTV-së, përcjell koha.net.
Ai është i bindur se në riprocedimin e ndryshimeve kushtetuese në Kuvend, kishte shkelje procedurale.
“Mendoj se nuk ka qenë fare e lejuar riamandamentimi i neneve në Kuvendin e Kosovës. Nuk ka pasur kurrfarë faktesh të reja për ta bërë edhe njëherë procesimin në Kuvend ndryshimet kushtetuese. Por ndërhyrja ndërkombëtare e ka bërë të vetën”, ka thënë Gashi.
Tomë Gashi ka porositur opinionin që të mos bie pre e listave që po dalin nga persona të ndryshëm.
“Askush nuk e di se kush do të akuzohet. Mund të hamendësohet me emra që përmenden në raportin e Dick Martyt, por absolutisht askush nuk e di se kundër kujt do të ngrehet aktakuzë dhe kush do të shkojë në atë Gjykatë. Ëilliamson ka përmendur se janë dhjet raste e jo dhjet persona, por nuk dihet për emra”, ka thënë Gashi.
Ai ka thënë se ka pasur shkelje procedural nga ana e Kuvendit pasi nuk ka pasur asnjë provë të re që të procedoheshin amandamentet sërish.
Shkelje ka pasë sepse nuk ka pasë asnjë provë të re që të procedohet në Kuvend. Unë nuk kam gjetë asnjë ndalesë e as ndonjë provë të re që duhet të procedohet. Mendoj se rruga që është përmendur që të dërgohet në Kushtetutë ka qenë më e rregullt dhe më e drejtë.
