Drejtori i ekzekutiv Institutit Kosovar për Qeverisje Lokale (IKQL), Besnik Tahiri, ka thënë se Ligji për Prishtinën duhet të adaptojë pjesë nga modeli i organizimit të Tiranës.
Kështu ka thënë Tahiri gjatë takimit që ka pasur sot me kryebashkiakun e Tiranës, Erion Veliaj, me të cilin kanë diskutuar edhe për sfidat e pushtetit lokal, mundësitë inovative në avancimin e qendrave urbane si në Kosovë ashtu edhe në Shqipëri.
“Duke folur për formën e organizimit dhe funksionimit të Tiranës. Theksova se Ligji për Prishtinën ka mundësi reale të përfshijë elemente nga organizimi funksional sipas modelit të Tiranës, me theks në aspektet që ndërlidhen me njësitë administrative dhe zonat funksionale, në mënyrë që të segmentohen politikat strategjike dhe zhvillimore”, ka shkruar Tahiri në profilin e tij në “Facebook”.
