Emni i ministrit të Punëve të Jashtme, Hashim Thaçi, asht lakue në nji artikull të gazetarit Gideon Resnick, në “The Daily Beast”.
Gjatë qëndrimit të Thaçit në Iowa, ekipi i fushatës së republikanit Ben Carson, i cili asht kandidat për President të SHBA’ve, asht takue me të.
Simbas “The Daily Beast”, në takimin mes Thaçit e gjeneral Bob Dees, pjesë e ekipit të Carson’it, asht diskutue për “marrëdhaniet speciale mes Kosovës dhe Iowa’s”. Thaçi si kryediplomat i Kosovës, gjatë qëndrimit të tij ka qenë pjesë e hapjes së konsullatës së Kosovës në Des Moines.
Gjeneral Dees ka shërbye në Kosovë me forcat e NATO’s dhe asht ndje i nderuem që po takohet me ish-Kryeministrin Thaçi.
“Pres që të ketë bashkëpunim ma të madh mes Republikës së Kosovës dhe SHBA’ve. Për themelin e kësaj marrëdhanie, shteti i Iowa’s asht i përkryem”, thaDees në komunikatën e tij.
“The Daily Beats”, për këtë takim ka folë edhe për Ben Carson.
“Historia e Kosovës asht testament për ripërtëritjen e popullit të saj”, tha Carson, tue shtue se konsullata asht nji gja që amerikanët duhet të jenë krenarë për vendosjen e këtyne marrëdhënieve mes Iowas dhe Kosovës.
“Në komunikatën e ekipit të Ben Carsonit, asht neglizhue përmendja e Thaçit, si kreu i nji grupi shqiptar që ka kontrabandue drogë, armë dhe organe njerëzore nëpër Europën Lindore, simbas nji hetimi të vitit 2010 i kryem nga Dick Marty, i prezantuem në Këshillin e Europës”, shkruan “The Daily Beast”.
“Edhe raporti i ‘The Guardian’, që e nxjerr Thaçin si kreu i nji rrjeti kriminal në Kosovën e fundviteve të ‘90’ta”, shkruhet në gazetë.
Kur asht pyet për këto që media amerikane i quen “aktivitete kriminale”, thuhet se drejtori i komunikimit, Larry Ross,te ekipi i Carson’it ka qenë konfuz.
“Ekipi i fushatës nuk ka qenë në dijeni se para pozicioneve të tij në Qeveri, Thaçi ka shërbyer n’Ushtrinë Çlirimtare të Kosovës”, tha Ross në fillim për “The Daily Beast”, por media ka këmbëngul tue e pyet specifikisht nëse ekipi i kampanjës asht në dijeni për akuzat për kontrabandën e organeve.
Atëherë Ross ka ndryshue qëndrimin e tij tue thanë me e-mail për “The Daily Beast” se “përgjigja ime asht dashtë të lexohet: Ekipi i fushatës ka qenë i vetëdijshëm se para se të ketë pozicione në Qeveri, zotni Thaçi ka shërbye n’Ushtrinë Çlirimtare të Kosovës”.
