Presidenti i zgjedhur, Hashim Thaçi, pas sulmeve në kryeqytetin evropian, Bruksel ka thënë se sot ky qytet është simbol i sigurisë dhe paqes, tolerancës dhe bashkëjetesës nga e tërë bota.

Ai në një postim në rrjetin social Facebook ka shkruar se terrori dhe frika nuk do të gjejnë  vend në zemrën e Evropës.

“Nga Brukseli vijnë lajme të tmerrshme për tërë botën. Brukseli është simbol i sigurisë dhe paqes, i tolerancës dhe bashkëjetesës së vlerave dhe traditave nga e tërë Evropa dhe nga e tërë bota. Terrori dhe frika nuk do të gjejnë vend në zemrën e Evropës. Kjo vetëm sa do të na bëjë të gjithëve edhe më të vendosur në luftimin e ekstremizmit dhe të terrorizmit”, ka shkruar Thaçi në Facebook.